→Ugao

Ekaitz Mentxaka EAJko alkategai izango da berriro Ugaon

Egungo alkateak, Ekaitz Mentxakak, datorren urteko udal hauteskundeetarako hautagaitza aurkeztuko duela iragarri du. 

Ekaitz Mentxaka, Ugaoko alkatea // BBB

Egungo alkatea, Ekaitz Mentxa, maiatzeko udal hauteskundeetarako EAJko hautagaia izango da: “Motibatuta sentitzen naiz, beste legealdi bati ekiteko gogotsu, duela bost urte hasi genuen proiektuarekin jarraitzeko ilusioarekin. Hori dena, Ugao-Miraballeseko alderdikideen babesa daukadala jakiteak ematen didan konfiantzarekin”, esan du Mentxakak.

2013. urtean bihurtu zen Mentxaka Ugaoko alkate, orduko alkatea zen Izaskun Landaida Emakundeko zuzendari izendatu baitzuten.  2015. urtean EAJko zerrendaburu aurkeztu zen udal hauteskundeetara, alkatetza errepikatuz. Hala egingo du maiatzeko hauteskundeetan ere.

Halaber, Ugaoko EAJk jakitera eman du Ekaitz Mentxakarekin batera udal hauteskundeetara aurkeztuko den hautesleen zerrenda: Bea Pereda, Ana Maite Fernández, Nerea Solaguren, Asier Kortajarena, Udiarraga Uribe, Maite Olabarri, Xabier Urueña, Jon Moran, Aitor Otero, Iñaki Arriaga, Gotzone Isasi, Iñaki Landajo eta Rosi Larizgoitia. 

Gora

Geuria Laguntzaileak Geuria Laguntzaileak