→Hego Uribe

Josu Zabalo: “Kilometro bateko zati bat oparitu dio batek bere bikotekideari”

basauri korrika 2017 josu zabalo

Apirilaren 7an igaoroko da 20. Korrika Hego Uribe eskualdetik. Arrankudiagak hartuko du lekukoa Laudiotik eta Ugao, Arrigorriaga, Basauri, Etxebarri eta Galdakao zeharkatuko ditu.

Apirilaren 7an igaoroko da 20. Korrika Hego Uribe eskualdetik. Arrankudiagak hartuko du lekukoa Laudiotik eta Ugao, Arrigorriaga, Basauri, Etxebarri eta Galdakao zeharkatuko ditu

Josu Zabalo galdakoztarra AEKko irakasle da Basauriko Bolintxu euskaltegian. Urte dexente darama Korrikan parte hartzen. 1993an lekukoa eraman zuen Enrike Jaiorekin batera. Korrika hitz gutxitan definitzerako orduan, “inklusiboa” dela dio: “Mundu guztiarentzako ekimena da, mundu guztia eroso sentitzen da, mundu guztiak lekua du, mundu guztiak lagundu dezake, mundu guztiak sentitzen du aportatzeko gogoa, mundu guztiak enpatizatzen du Korrikarekin, mundu guztiak ilusioz itxaroten du Korrika noiz etorriko, mundu guztia ateratzen da bide bazterrera Korrika pasatzen ikusteko, mundu guztiak du oroitzapen gozo bat aurreko Korrikaren batena”.

Zein da Korrika arduradunaren betebeharra?

Gure eskualdeko Korrika antolatzeko Zeberio, Arrankudiaga, Ugao, Arrigorriaga, Zaratamo, Basauri, Etxebarri eta Galdakao hartzen ditugu. Orduan, herri eta auzo bakoitzean koordinazio lana egiten dugu. Besteak beste, Korrikaren aldeko ekitaldiak egiten direla ziurtatu eta propaganda eta materiala banatzen ditugu.

Nolakoa da herri bakoitzean antolakuntza hori?

Herri bakoitzean Korrikaren alde antolatzen diren ekitaldiak desberdinak dira. Herriaren arabera, auzoaren arabera edo edo laguntzeko dagoen jendearen arabera ekitaldiak zehazten dira. Herri bakoitzak bere nortasuna du Korrikaren aldeko jarduerak prestatzeko.

Gero, Korrika Batzordeak deitzen ditugu eta horretan ere diferentea da antolatzeko prozedura. Basaurin, adibidez, arloka egiten ditugu batzordeak eta Etxebarrin batzorde bakarrarekin nahiko dugu elkarte guztiak biltzeko.

Eta jarduera horiek eta Korrika bera antolatzeko hilabeteetako lana egongo da atzetik…

Bai. Bi urterik behin antolatzen denez Korrika, Korrika urtea ez denean AEKko irakasleok gure zereginetan ematen dugu denbora guztia (eskolak eman, klaseak prestatu). Korrika urtea denean, irailetik hasten dira Euskal Herriko arduradunek aurretik prestatutako lana martxan jartzen eta lurralde bakoitzeko, eskualde bakoitzeko arduradunekin harremanetan jartzen dira.

Eskualdea eta Bizkaia koordinatzen dugun arduradunok urria eta azaroa bitartean hasten gara biltzen eta gauzak antolatzen. Eta, urtarriletik aurrera burubelarri gaude Korrikaren aldeko ekimenak antolatzen. Noski, eskolak alde batera utzi gabe! (kar, kar)

Hego Uribe eskualdeari begira, azaldu herri bakoitzarekin egiten duzuen elkarlana.

Mekanismoa bera da herri eta auzo guztietan: elkarte ezberdinekin jartzen gara harremanetan (edo haiek datoz gugana) eta lanean hasten gara. Zelan lagundu dezaketen zehazten dugu aurrena eta gero martxa hartzen dugu.

Eta, ibilbidearen kontua noren ardurapean dago?

Korrikaren ibilbidea diseinatzen dutenak saiatzen dira ahalik eta herri gehienetatik pasatzen. Noski, ezin da herri eta bazter guztietatik igaro, orduan, planteamendu orokor bat egiten digute hasieran. Abibidez, “hiriburu honetatik beste honetara bitartean izango da ibilbidea eta 2.300 kilometro izango ditu guztira. Zuen eskualdeari dagozkio 45 kilometro”. Hori da planteatzen digutena eta gero guk margen txiki bat daukagu kilometro horiek luzatzeko, baina beti muga baten barruan. Aurtengo ibilbidea gure eskualdean orain dela 2 urtekoaren oso antzekoa izango da.

Lekuko eramaileei dagokienez, anekdotarik izango duzu kontatzeko.

Anekdotak egon badaude! Noizbait gertatu izan da lekuko bat bere lekuan ez agertzea eta ondoan dagoen bati eskaintzea lekukoa eramatea. Baina normalean ez da halakorik gertatzen. Berezitasun bezala, aurten gure eskualdean norbanako batek kilometro bateko zati oparitu dio bere bikotekideari eta lekukoa eramango dute.

Gora

Geuria Laguntzaileak Geuria Laguntzaileak