☉ Basauri
Gurasoen artean euskara sustatzeko proiektua martxan, Arizko Ikastolan
Euskararen erabilera bultzatzeko asmoz, iazko irailean jarri zuen martxan Arizko Ikastolak ‘Gurasook ere Euskaraz Bizi!’ proiektu berria.
Ikasleen artean euskara sustatzeko helburuarekin Arizko Ikastolak hamaika proiektu ditu martxan eskolan: Euskaraz Mintza, Bertsolaritza, Antzerkigintza, Irratigintza, Kidetzea eta Euskaraz Bizi.
Azken hori ardatz hartuta, kanpaina ezberdinen bitartez motibazioa lantzea dute helburu. “Hezkuntza proiektuaz hitz egitean, argi ikusi genuen euskara sustatzearen zeregin horretan funtsezkoa dela familiek duten papera eta erantzukizuna, Ikastola ez baita inondik ere nahikoa”, diote Ikastolatik. Izan ere, urteko 365 egunetan eskolarik gabeko egunak 189 dira eta eskola-egunak 176. Esna pasatzen dituzten orduei dagokienez, gelatik kanpo 10 ordu ematen dituzte umeek eta 5 ordu eskolan (Eusko Jaurlaritza, Eskola hiztun bila. 1991).
Datuak datu, guraso euskaldunek kezkak agertu zituzten: “Nahiz eta gurasoak euskaldunak izan, seme-alabek gero eta joera handiagoa dute gaztelaniaz egiteko”.
Helburuak eta kezkak kontuan hartuta, iazko ekainean Gurasook ere Euskaraz Bizi proiektua diseinatzen hasi ziren, guraso euskaldunak, euskalduntze bidean daudenak eta erdaldunak, denak gogoan hartuta. Gauzak horrela, irailean hasita, zenbait motibazio-ekintza jarri dituzte martxan. Irailean mailaz mailako txostena banatu zuten (eskolaz kanpoko ekintzak, musika/antzerkia, telebistaren erabilera, guraso euskalduna bazara nola jokatu, guraso erdalduna bazara nola jokatu, etxerako lanak egiten lagundu euskalduna zein erdalduna izanik…). Urrian, Basauriko jaiei begira, Eskarabilera abestia eta buruko zapiak eta gerrikoak janzteko tailerra euskaraz eskaini zuten (guraso euskaldun zein erdaldunei).
Azaroan 70 familiak Ikastolan Be Bagara erronkan parte hartu zuten, Euskarabila Elkarteak antolatutako jardueraren barruan. Abendua hilabete oparoa izan zen: Euskararen Egunean goiz osoko festa ospatu zuten Ikastolan (horma-irudia margotu, Olentzerori gutunak idatzi, txapak egin, hamaiketakoa), familiekin jolas saioak antolatu zituzten eta liburu gomendioa eta aisialdirako Interneterako loturak aurkeztu zituzten (jolasak, abestiak eta karaokea, ipuinak, lmak eta marrazki bizidunak).
Otsailean hamar guraso erdaldunek hartu zuten parte eguneroko esamoldeak ikasteko eta euskaraz erabiltzeko saioan, Basauriko Udalak antolatuta. Martxoan berriro ere jolas-saioak egin zituzten (45 partaide), apirilean Korrika eta maiatzean Mintzodromoa (ikasleentzat, gurasoak laguntzaile). Datorren ikasturteari begira, ekainean hausnarketa egin eta proposamen berriak landu ditu Arizko Ikastolak, irailetik aurrera “gogoz ekiteko”.
CIPEB-ekin elkarlanean
Gorputz Hezkuntza saioan, eski kooperatiboak erabiltzen // Arizko Ikastola
Arizko Ikastolak proposamena egin zion Oinarrizko Lanbide Heziketako Udal Institutuari (OLH-CIPEB) ikasturte honen hasieran: Ikastolako jaietan, jolas orduetan edota gorputz hezkuntza saioetan erabiltzeko eski kooperatiboak egitea Institutuko ikasleekin, gastuak Ikastolaren esku utzita. Harrera ona izan du proposamenak eta azken ikasturte honetan lanean ibili dira Etxebizitzen mantentze-lanak ikasketak egiten ari diren ikasleak. “Harreman luze baten lehen kapitulua izango delakoan gaude”, diote bi ikastetxeetako arduradunek.
OLH Udal Institutua Kareaga Behekoa kalean dago eta udal titulartasuneko zentro publikoa da. Basauriko Udalak eskuordetuta ditu haren gaineko eskumenak eta Etxebarriko Udalaren laguntza ere badu. ADSIS Fundazioak kudeatzen du zentroa.
Herriko Taldeakeko zuzendaritza batzordea berritu dute urtero bezala, eta aurten Yera Marcos izango da presidentea, Aldatxa kuadrillakoa.
Batzordean honako hauek ere izango dira: Mikel Salcedo (Edurre) lehendakari ordea, Ander Beltran de Nanclares (Txikerrak) diruzaina, Naiara Hurtado (Zoroak) idazkaria, eta Dionisio Higueruelo (Alaiak), Jonatan Galas (Alaiak), Aitor Arego (Hauspoak), Ivan Hierro (Txanogorritxu ta Otso Maltzurra) eta Raquel Martin (Aldatxa) batzordekideak.
Aurtengo prozesuan bi hautagaitza aurkeztu dira eta Yerak zuzendutakoak 8 boto jaso ditu. Bigarren hautagaitzak 6 boto jaso ditu, eta abstentzio bat eta boto zuri bat ere izan dira.
Hautagaitza irabazleak Laguntasuna, Mozkorrak, Basajaunak eta Itsaslapurrak kuadrillen babesa izan du.
Aurreko bi urteetan Ane Garcia izan da presidentea, eta oraingoan ere beste emakume batek zuzenduko du Herriko Taldeak.
Elkartearen historian, 1968tik 39 lehendakari izan ditu elkarteak eta horietatik zazpi izan dira emakumeak: Sonia Martinez (2001-2003), Izortze Gandiaga (2008-2009), Irene Garcia (2010), Itxaso Urionabarrenetxea (2012-2014), Begoña Frutos (2019), Ane Garcia (2024-2025) eta Yera Marcos (2026).
☉ Basauri
Lapatzako argiak berritu eta Gernika kaleko zati bat berriro asfaltatu du Basauriko Udalak
Basauriko Udalak 165.000 euro bideratu ditu bi esku hartze horietara
Basauriko Udalak Lapatzako hoditeria eta argiak berritu ditu, eta, horrez gain, Gernika kaleko 26. zenbakitik 60. zenbakira –Ixatxak parketik Taberna Nagusira– asfaltatze lanak egin ditu.
Zehazki, argiteria-sarearen kanalizazioa eraiki eta lurperatu dute, eta zutabe eta luminaria berriak jarri dituzte Lapatzan, energia aurreztea ahalbidetzen duten LED argiekin.
Gainera, lurperatzeari ekiteko egindako zangaren inguruko galtzada konpondu eta asfaltatu dute. Guztira Lapatzako esku hartzean 87.000 euro inbertitu ditu Udalak.
Bestetik, Gernika kaleko zatia berriro asfaltatzera 78.000 euro bideratu ditu Udalak.
Herritarrek eskatuta
2024ko aurrekontu parte hartzaileetan herritarrek bozkatu zuten herriko hainbat tokitan argiteria publikoaren sarea hobetzea, eta horregatik gauzatu ditu Udalak lan horiek.
“Auzoegin Auzoetan Esku Hartzeko Ekintza Planaren barruko ekimenak dira biak. Plan horren xedea da udalerriko zenbait tokitan eraberritze eta berroneratze urbanistikoko esku hartzeak egitea eta irisgarritasuna hobetzea, herritarrek, elkarteek eta taldeek egindako eskaerei erantzuteko”, diote udal ordezkariek.
☉ Basauri
Basauriko EH Bildu eta Elkarrekin Podemos ez daude ados atxilotuen jatorria publikatzearekin
Erabakiak “aurreiritziak elikatzeko” eta “alarma soziala” sortzeko balio duela adierazi dute oposizioko taldeek
Eusko Jaurlaritzako Segurtasun Sailak iazko urrian ezarritako irizpideari jarraituz, Basauriko Udalak atxilotuen jatorriaren berri emango du aurrerantzean.
Irizpide hau, baina, ez da udalerri guztietan betetzen ari, dagoeneko Bilboko, Barakaldoko, Leioako edo Erandioko udalek jakinarazi baitute ez dutela atxilotuen jatorriaren berri emango.
Basauriko gobernu taldeko (EAJ-PSE) ordezkariekin harremanetan jarri da GEURIA eta adierazi dute Udalaren jarrera izango dela datuak publiko egitea, “gezurrak saihesteko eta gardenak izateko”.
Oposizioan dauden EH Bildu eta Elkarrekin Podemos udaltaldeen ordezkarien balorazioa ere jaso dugu GEURIAn. PPk, bere aldetik, gobernu taldearen erabakia babestu du.
Exabier Arrieta alderdi soberanistako bozeramaileak adierazi duenez, “segurtasuna eta bizikidetza negoziaezinak dira, eta horiek errespetatzen ez dituen edonork ez du lekurik gizarte honetan, bere jatorria edozein dela ere”.
“EH Bildutik erabat aurka gaude honelako neurrien aurrean; izan ere, ez dute ezer eraikitzailerik ekartzen eta, aldiz, kolektiboen estigmatizazio arriskua areagotzen dute eta alarma soziala sortzen dute. Are gehiago, immigrazioa ultraeskuinaren aldetik arma jaurtigarri gisa erabiltzen ari den une honetan, neurri horiekin mesede handia egiten baitzaie”, aipatu du Arrietak, eta gaineratu du: “Ez dugu ulertzen nola izan daitekeen jarduteko modu hau bateragarria Udalak martxan jarritako beste dinamika batzuekin, hala nola, zurrumurruen aurkako estrategiarekin”.
Gainera, EH Bildutik deitoratu dute gobernu taldeak ez diela jakinarazi udal talde gisa gai honen inguruan neurririk hartu denik.
Elkarrekin Podemos ere erabaki horren aurka agertu da: “Ez da gardentasuna, seinalatzea baizik. Oso ondo baitakigu datu horrek ez duela balio segurtasuna hobetzeko, baina bai aurreiritziak elikatzeko eta jatorriagatik bakarrik mesfidantza handiagoz begiratzen zaion jendea egoteko”, esan du Marian Cantero bozeramaileak.
Alderdi moreko zinegotziaren arabera, “delituak banakako erantzukizunak dira, ez komunitate osoenak, eta herri honetan auzotar asko daude beste leku batzuetatik datozenak, lan egiten dutenak, zaintzen dutenak, egunero auzo egiten dutenak, eta beren nortasuna titular susmagarri bihurtzea merezi ez dutenak”.
“Basauri seguruagoa nahi dugu, noski baietz, baina segurtasunak ez ditu betikoak seinalatuko. Eskubideak, berdintasuna, zerbitzu publiko indartsuak eta bizikidetza. Eta hau, benetan, kontrako norabidean doa”, zehaztu du Canterok.
☉ Basauri
Basauriko Udalak atxilotuen jatorria publikatuko du, “gezurrak saihesteko eta gardenak izateko”
Oposizioan dauden EH Bildu eta Elkarrekin Podemos udaltaldeen ordezkarien balorazioa ere jaso dugu GEURIAn
Eusko Jaurlaritzako Segurtasun Sailak iazko urrian ezarritako irizpideari jarraituz, Basauriko Udalak atxilotuen jatorriaren berri emango du aurrerantzean.
Irizpide hau, baina, ez da udalerri guztietan betetzen ari, dagoeneko Bilboko, Barakaldoko, Leioako edo Erandioko udalek jakinarazi baitute ez dutela atxilotuen jatorriaren berri emango.
Basauriko gobernu taldeko (EAJ-PSE) ordezkariekin harremanetan jarri da GEURIA eta adierazi dute Udalaren jarrera izango dela datuak publiko egitea, “gezurrak saihesteko eta gardenak izateko”.
Oposizioan dauden EH Bildu eta Elkarrekin Podemos udaltaldeen ordezkarien balorazioa ere jaso dugu GEURIAn. PPk, bere aldetik, gobernu taldearen erabakia babestu du.
Exabier Arrieta alderdi soberanistako bozeramaileak adierazi duenez, “segurtasuna eta bizikidetza negoziaezinak dira, eta horiek errespetatzen ez dituen edonork ez du lekurik gizarte honetan, bere jatorria edozein dela ere”.
“EH Bildutik erabat aurka gaude honelako neurrien aurrean; izan ere, ez dute ezer eraikitzailerik ekartzen eta, aldiz, kolektiboen estigmatizazio arriskua areagotzen dute eta alarma soziala sortzen dute. Are gehiago, immigrazioa ultraeskuinaren aldetik arma jaurtigarri gisa erabiltzen ari den une honetan, neurri horiekin mesede handia egiten baitzaie”, aipatu du Arrietak, eta gaineratu du: “Ez dugu ulertzen nola izan daitekeen jarduteko modu hau bateragarria Udalak martxan jarritako beste dinamika batzuekin, hala nola, zurrumurruen aurkako estrategiarekin”.
Gainera, EH Bildutik deitoratu dute gobernu taldeak ez diela jakinarazi udal talde gisa gai honen inguruan neurririk hartu denik.
Elkarrekin Podemos ere erabaki horren aurka agertu da: “Ez da gardentasuna, seinalatzea baizik. Oso ondo baitakigu datu horrek ez duela balio segurtasuna hobetzeko, baina bai aurreiritziak elikatzeko eta jatorriagatik bakarrik mesfidantza handiagoz begiratzen zaion jendea egoteko”, esan du Marian Cantero bozeramaileak.
Alderdi moreko zinegotziaren arabera, “delituak banakako erantzukizunak dira, ez komunitate osoenak, eta herri honetan auzotar asko daude beste leku batzuetatik datozenak, lan egiten dutenak, zaintzen dutenak, egunero auzo egiten dutenak, eta beren nortasuna titular susmagarri bihurtzea merezi ez dutenak”.
“Basauri seguruagoa nahi dugu, noski baietz, baina segurtasunak ez ditu betikoak seinalatuko. Eskubideak, berdintasuna, zerbitzu publiko indartsuak eta bizikidetza. Eta hau, benetan, kontrako norabidean doa”, zehaztu du Canterok.
Bizkaiko suhiltzaileek euren sare sozialetan jakitera eman dutenaren arabera, pertsona bat errekara erori da Basaurin, eta erreskate lanetan aritu dira suhiltzaileak.
Ezbeharra Arizko zubi alboan gertatu da, 19:00ak aldera, eta ez da azken asteetan eman den antzeko gertakari bakarra: urtarrilaren 17an, 21 urteko gazte bat Basauriko Arizko zubitik erori zen.
[INFORMAZIOA OSATZEN]
Ugao eta Arrigorriaga lotuko dituen bidegorriak oinezko eta bizikletentzako bideak izango ditu
Emozioen kudeaketari eta aitite-amamen rolari buruzko saioak antolatu dituzte Etxebarrin, Guraso Topagunearen baitan
Galdakaoko GBGE elkarteak 600.000 janari baino gehiago banatu dizkie familia zaurgarriei urte batean
Argazkiak | Euriak ez ditu Arrigorriagako herri-inauteriak geldiarazi
Argazkiak | Lau urtaroak, Oilategi Deluxe eta Txorimaloak izan dira mozorrorik onenak Basaurin
