→Arrigorriaga

Arrantza txapelketa egingo dute Abusun, ekainaren 24an

Urtero legez, heriotzarik gabeko arrantza tradizionalaren txapelketa antolatu du Abusuko Arrantza Klubak, ekaineko azken igandean.

Iazko arrantza txapelketa, Abusun // Abusu sarean

Urtero legez, heriotzarik gabeko arrantza tradizionalaren txapelketa antolatu du Abusuko Arrantza Klubak, ekaineko azken igandean. Parte hartzaileek bizirik mantendu behar dituzte harrapatzen dituzten arrain guztiak, bukaeran, bakoitzak harrapatutakoak pisatu eta gero, ibaira itzularazteko.

Seniorren, gazteen eta umeen mailatan lehiatuko dira txapelketan izena ematen dutenak. Harrapatzen dituzten arrainen gramoak hartuko dira kontuan: puntu bat arrainak pisatzen duen gramo bakoitzeko. Maila bakoitzean sailkatzen diren lehen hiru pertsonek garaikurra jasoko dute.

Parte hartu nahi duen edonorrek fitxategi hau inprimatu, bere datuekin bete eta arrantza klubaren bulegoan (Olatxu kalea, 4-2, Abusu) entregatu beharko du ekainaren 21a baino lehen. 35 plaza daude guztira eta izen emateak 10 euro balio du (umeak doainik). Izena ematen duten guztiek arrantza materiala, kamiseta, edaria eta ogitartekoa jasoko dute.

Parte hartu ahal izateko ezinbestekoa izango da arrantza federazioaren eta administrazioaren lizentzien jabe izatea.

Egitaraua (Abusuko ibai aldean):

Biltzeko ordua: 08:25

Arrantza egiteko tokien zozketa: 08:30

Arrantzarako denbora: 10:00-13:00

Sari banaketa: 13:45

Irakurrienak

Gora

Geuria Laguntzaileak Geuria Laguntzaileak

Geuria monografikoa | Basauriko Antzerki Eskolatik 'Handia' filmeraino PDF
|