→Arrigorriaga

Rober Noval arrigorriagarra epaituko dute Audientzia Nazionalean, 11/13 makroepaiketan

47 lagun daude auzipetuta guztira Espainiako Auzitegi Nazionalean: Herrira mugimenduan ibilitakoak, Jaiki Adi eta Etxerat elkarteetakoak, Bitartekariak eta euskal presoen abokatuak. Fiskalak 601 urteko eskaera egin du, denera. Roberto Noval Arostegik 13 urte eta erdiko espetxe zigor eskaerari egin behar dio aurre.

Herrirako kide izateagatik epaituko dute Roberto Noval / Raphael Tsavvko

47 lagun daude auzipetuta guztira Espainiako Auzitegi Nazionalean: Herrira mugimenduan ibilitakoak, Jaiki Adi eta Etxerat elkarteetakoak, Bitartekariak eta euskal presoen abokatuak. Fiskalak 601 urteko eskaera egin du, denera. Roberto Noval Arostegik 13 urte eta erdiko espetxe zigor eskaerari egin behar dio aurre. Irailaren 16an hasiko da epaiketa, Madrilen. Rober Herrira mugimendiak asanblada irekia deitu du gaur, ekainak 5, Arrigorriagan (19:00etan,udaletxean), Roberri elkartasuna adierazi eta auzia gizarteratzeko.

Irailaren 16an hasi eta gutxienez hiru hilabetez luzatuko da 11/2013 sumarioan auziperatuta dauden 47 herritarren aurkako epaiketa. Sumarioak 2013ko irailean Herriraren kontra eginiko polizia operazioan du jatorria. Operazio horren baitan auziperatu zuten Rober Noval arrigorriagarra. 2014ko urtarrilean egin zuten bigarren polizia operazioa, bitartekari taldeko zortzi lagunen aurkakoa, eta hurrengo urtean, abokatuen eta beste lau lagunen aurkakoa. 2015eko martxoan,bestalde, Jaiki Hadiko eta Etxerateko kideak atxilotu zituzten.

Atxilotutako batzuk espetxeratuak izan ziren, eta den denak auziperatuak. Geroztik behin-behineko askatasunean daude, Espainiako Auzitegi Nazionalean epaituak izateko zain. Urteotan guztiotan sinatzera joan behar izan dute hamabostean behin, eta debekatua izan dute Espainiatik irtetea.

Auzipetuek ohar batean azaldu dutenez, “estatuaren estolderietan sorturiko auzibidea” da 11/2013 sumarioa, “astakeria juridiko eta soziala”. Audientzia Nazionalak presoen eskubideen alde egin duten lana epaituko duela diote: “Euskal preso politikoen eskubideen aldeko mobilizazioak antolatzea, presoen osasuna zaintzea, presoak epaitegietan defendatzea, bitartekari lanak egitea, presoen senideak izatea eta sakabanaketari aurre egiteko antolatzea. Hau izan da gure lana, eta hau da epaitzera doazena”. Euren ustetan, agerikoa da mundu osoan ematen ari den inboluzioa eta eskubideen urraketa: “Horren adibide argia da oraindik orain euskal presoek bizi duten egoera. Urrutira joan gabe Altsasuko gazteen kasuak eta Katalunian gertatzen ari denak erakusten digute erregresio eta jazarpen egoera honen norainokoa”.

Espetxearen mamua

Epaiketaren zain dauden bitartean, auziperatuentzako eta hauen familientzako une gogorrak izaten ari direla diote komunikatuan: ” Guk espetxearen mamua dugu parez pare. Gure hurbilekoek gure ausentziaren, sakabanaketaren eta finean maite duten pertsona bat preso izatearen mamua dute parez pare. Egoera gogorra da beraz, ez dugu ukatuko”.

Auzipetuak eta fiskalaren eskaerak:

ABOKATUAK
Arantza Aparicio (11 urte). Ainhoa Baglietto (11 urte). Iñaki Goioaga (11 urte). Ane Ituiño (11 urte). Amaia Izko (11 urte). Eukene Jauregi (11 urte). Jaione Karrera (11 urte). Aiert Larrarte (11 urte). Kepa Manzisidor (11 urte). Onintza Ostolaza (11 urte). Atxarte Salvador (11 urte). Alfonso Zenon (11 urte). Haizea Ziluaga (11 urte).

EPPK-REN BITARTEKARI TALDEA
Mikel Almandoz (12 urte). Asier Aranguren (12 urte). Jose Luis Campo (12 urte). Jon Enparantza (14 urte). Egoitz Lopez de Lacalle (12 urte). Aintzane Orkolaga (12 urte). Aitziber Sagarminaga (12 urte). Arantza Zulueta (14 urte). Naia Zuriarrain (8 urte).

ETXERATIzaskun Abaigar (11 urte). Nagore L. de Luzuriaga (11 urte).

HERRIRA
Jesus Mari Aldunberri (13,5 urte). Fran Balda (20,5 urte). Jabier Carballido (17 urte). Amaia Esnal (13,5 urte). Jose Antonio Fernandez (15 urte). Jon Garai (13,5 urte). Nagore Garcia (13,5 urte). Gorka Gonzalez (14,5 urte). Eneko Ibarguren (13,5 urte). Imanol Karrera (14,5 urte). Sergio Labaien (13,5 urte). Emilie Martin (*). Jon Mindegiaga (15 urte). Ibon Meñika (15 urte). Roberto Noval (13,5 urte). Nagore San Martin (17 urte). Oskar Sanchez (13,5 urte). Manu Ugartemendia (14,5 urte). Eneko Villegas (13,5 urte). Beñat Zarrabeitia (13,5 urte). Ane Zelaia (14,5 urte). Ekain Zubizarreta (13,5 urte).

JAIKI HADI
Fernando Arburua (11 urte). Oihana Barrios (11 urte).

Gora

Geuria Laguntzaileak Geuria Laguntzaileak