→Basauri

Kaleartean ekimenak euskal pilota valentziarra, memoriaren aztarnak edota basoko misterioak dakartza

basauri kaleartean 2018 aurkezpena

Aurten berrikuntza bezala, bi asteburu hartuko ditu ekimenak (maiatzaren 25etik 27ra eta ekainaren 1etik 3ra) eta Bidebieta eta Kareaga auzoetara hedatuko da.

Colectivo Alopro eta Mario Paniego artistak euren esku-hartzeak azaltzen // Geuria

Gaur hasiera eman diote Basaurin Kaleartean ekimenaren laugarren edizioari. Aurten berrikuntza bezala, bi asteburu hartuko ditu ekimenak (maiatzaren 25etik 27ra eta ekainaren 1etik 3ra) eta Bidebieta eta Kareaga auzoetara hedatuko da. Hamar esku-hartze izango dira eta horretarako Kareaga Goikoa eta Agirre Lehendakaria kaleetako sei lokal erabiliko dituzte artistek euren obrak ezagutarazteko. Sei egunetan zehar bost bisita gidatu eta tailerrak antolatu dituzte.

Artean, kulturan, hirigintzan eta diseinuan lan-ibilbide luzea duten pertsonek osatu dute epaimahaia (Koldo Etxebarria, Aristide Stornelli, Iker Serrano Robles eta Laura Diez) eta artista hauek aukeratu dituzte: Colectivo Alopro (Amanda Proy Fernandez eta Patricia Alonso Herrera); Mario Paniego; Helena Gonzalez Saez; Guido Di Marzio; Hibernando; Anabela Romina Turlione, Sol Benavente Molina, Mabel Peña eta Irene de Madrazo; Susana Manzano Viñolo; Eriz Moreno Aranguren; Was is Sam; eta Endika Basaguren Ansoleaga. Talde edo artista bakoitzak 900 euro jaso ditu erakusketak prestatzeko. Era berean, artista gonbidatu bat izango da: Higinia Garay bilbotarra, Higi Vandis ezizenez ezagunagoa dena.

Kaleartean ekimenaren helburua da udalerrian erabiltzen ez diren merkataritza-lokalen irudia eraldatzea, arte, diseinu eta sormenezko esku-hartzeak eginez. Aurreko edizioetan erabili izan diren 9 lokal hutsetan jarduera ekonomikoa bertan gauzatzea lortu da.

Kaleartean 2018 – Esku-hartzeak

1. Colectivo Alopro (Amanda Proy Fernandez eta Patricia Alonso Herrera)
Labur baina gogor: Denontzako bide bat
Kareaga Goikoa, 48

2. Mario Paniego
Bizitzarako argibideak: Egunerokotasunari buruzko hausnarketa sorrarazten diguten testuz lagundutako irudi seriea
Kareaga Goikoa, 48

3. Helena Gonzalez Saez
Basoko hiriko misterioak: Espazio hauen barruan begiratzea nire barruan begiratzea bezala da, nire amets, oroitzapen, fantasia, desira, bihozkadak… erakutsiz
Kareaga Goikoa, 99

basauri kaleartean 2018 aurkezpena 1

Helena Gonzalez Saez artista bere esku-hartzea azaltzen // Geuria

4. Guido Di Marzio
Tatto experiment: Oroitzapenen antzera ezabaezina, bizitza osoan eramango dut
Kareaga Goikoa, 99

5. Hibernando
Artista atzerritarra balitz bezala: Zenbateraino ezagutzen duzu zure herria? Nola heltzen zara zure etxera? Non erosten duzu ogia? Eta atzerritarra bazara, nola ezagutzen duzu lekua?
Kareaga Goikoa, 85

6. Anabela Romina Turlione, Sol Benavente Molina, Mabel Peña eta Irene de Madrazo
Trukedenda: Ikuslea protagonista izango den trukerako espazio bat da. Dirua ez da bitarteko izango, trukerako dena istorioak izango dira
Agirre Lehendakaria, 7

7. Susana Manzano Viñolo
Egunsentian babestu nazazu: Guk zein izarrek ere beroa behar dugu existitzeko, gerturatzen garenean bizirik mantentzen gaituen sua elikatzen dugu
Agirre Lehendakaria, 7

8. Eriz Moreno Aranguren
Untitled (Berlin): Amerikako Estatu Batuetako ‘Berlin’ izeneko udalerri guztiak (30) erakusten diren argazkilaritza proiektua
Kareaga Goikoa, 16

9. Was is Sam
Euskal pilota valentziarra: Euskal pilota valentziarrak pilotaren bitartez euskal eta valentziar kulturen arteko zubiak eraikitzen ditu
Kareaga Goikoa, 16

10. Endika Basaguren Ansoleaga
Memoriaren aztarnak ezabatu: Berria den zeozer sortzeko lehenagotik zegoena suntsitzea beharrezkoa da. Arte aurreratua aurrekoaren suntsiketa da. Borradore moduan jardungo dut, nire obra eta iraganaren suntsitzaile modura, akzio honek “nire izana” definitzen duen obra berri bat sortu dezan
Kareaga Goikoa, 10

Bisita gidatuak eta tailerrak

Maiatzak 25, ostirala
18:00-21:00 Esku-hartzeak bisitatzeko ordutegia
18:30 Kareagako auzokideekin bisita gidatua. Irteera: Bidasoa

Maiatzak 26, larunbata
11:30-14:30 + 18:00-21:00 Esku-hartzeak bisitatzeko ordutegia
11:30 Umeentzako bisita gidatua (+7 urte). Irteera: Bidasoa

Maiatzak 27, igandea
11:30-14:30 Esku-hartzeak bisitatzeko ordutegia
11:30 Bisita gidatua (euskaraz). Irteera: Basozelai

Ekainak 1, ostirala
18:00-21:00 Esku-hartzeak bisitatzeko ordutegia
18:30 Basauriko elkarteekin bisita gidatua. Irteera: Basozelai

Ekainak 2, larunbata
11:30-14:30 + 18:00-21:00 Esku-hartzeak bisitatzeko ordutegia
11:00-13:00 Tailerra Kareaga Goikoa eskolako patioan (+7 urte): ‘Erabiliz aldatu!’

Ekainak 3, igandea
11:30-14:30 Esku-hartzeak bisitatzeko ordutegia
11:30 Bisita gidatua (gazteleraz). Irteera: Basozelai

Gora

Geuria Laguntzaileak Geuria Laguntzaileak