→Basauri

3.000 biztanle galtzen ditu Basaurik hamakarda bakoitzeko, batez beste

basauri biztanleria 2017 bizkotxalde

Urtetik urtera, 300 bat herritar galtzen ditu Basaurik. 1986. urtetik mantendu den joera da. Orduan, 51.931 biztanle hartu zituen herriak; egun, 40.983 ditu

Urtetik urtera, 300 bat herritar galtzen ditu Basaurik. 1986. urtetik mantendu den joera da. Orduan, 51.931 biztanle hartu zituen herriak; egun, 40.983 ditu

Hego Uriben bi dira urtetik urtera biztanlerian gorabeherak izaten dituzten herriak: batetik Basauri eta bestetik Etxebarri. Azken honek gero eta herritar gehiago hartzen ditu lur eremu berrietan etxebizitzak eraiki baititu, eta horrela jende gaztea erakarri. Politika bera darama Basaurik, baina historikoki herri bakoitzaren ibilbidea oso desberdina izan da: Etxebarri txikitik ertainera badoa, Basauri erraldoitik handira ari da jaisten.

Datuak irakurtzea besterik ez dago interpretazioa egiteko: 1986an ia 52.000 biztanle zituen Basaurik; 30 urte geroago, 41.000 inguru. Zenbaitzuen buruan alarma gorria piztu dezakete zenbakiok, baina herrien ibilbide historikoak eta datu demografikoek arrazoiak azalarazten dituzte: batetik, 1940an 12.000 herritar bizi ziren Basaurin, baina La Basconia lantegia buru izan zuen industrializazioaren eraginez 1980an 52.000 biztanle izatera heldu zen. Bestetik, azken hogeita hamar urteetan beherakada etorri da. Horren arrazoietako bat zera da, orduan langileak izan zirenak egun zahartzarora helduta daudela. Datu adierazgarria da, gaur egun, 65 urtetik gorako adin-tartean 10.000 bat biztanle dituela Basaurik, hau da, herritar guztien laurdena.

Eskualdeko gainontzeko herrietan, hau da, Galdakao, Arrigorriaga, Ugao eta Zaratamoren kasuan, biztanleria bere horretan mantendu da azken urteotan.

Gora

Geuria Laguntzaileak Geuria Laguntzaileak