→Basauri

Etxe Maitiak eta Osakidetzak egoitzako erabiltzaileen historia klinikoa partekatuko dute

basauri etxe maitea 2012 egoitza

Hitzarmen honi esker, erakunde bietako osasun-langileek berehalako sarbidea izango dute erabiltzaileen historia klinikora

Zerbitzu soziosanitarioetako erabiltzaileen eta gaixoen historia klinikoa partekatzeko helburuarekin, Etxe Maitia Adinekoen Egoitzak eta Osakidetzak hitzarmena sinatu dute. Akordio honi esker, erakunde bietako osasun-langileek berehalako sarbidea izango dute erabiltzaileen historia klinikora. Aurrerantzean, gaixoak Osakidetzan duen historia oinarritzat hartuta, dagozkion kontsultak egin ahal izango dituzte eta datu kliniko berriak jaso.

Modu honetan, Egoitzan diagnostikoak egitea errazoa egingo zaie eta horrek tratamenduak finkatzea ahalbidetuko die. Era berean, historia klinikoetara sarbidea izateko baimena sinatu beharko dute Udal Egoitzako erabiltzaileek.

Beste alde batetik, Etxe Maitia Egoitzak kalitatea kudeatzeko sistemaren egiaztagiria (UNE-EN ISO 9001:2008) berritu du, eta berau indarrean egongo da datozen hiru urteotan.

50 erabiltzaileri arreta

Adinekoen udal zentroak zerbitzu ematen die beren burua zaindu dezaketen pertsonei zein besteen laguntza behar dutenei. Guztira, 50 toki ditu eta horietatik, 14 dira mendekotasun-maila handia duten pertsonak -Bizkaiko Foru Aldundiarekin hitzartuta daude eta hark pagatzen ditu-.

Gaur egun, bazkari-zerbitzua, arreta psikosoziala eta eguneko egonaldi zerbitzua ere eskaintzen ditu Egoitzak. Horiez gain, aldi baterako egoitza-zerbitzua eskaintzen du zentroak. Zerbitzuok Egoitzako gizarte-langileak kudeatzen ditu, zuzenean. Azkenik, Bizkaiko Foru Aldundiarekin mendekotasun-balorazioa izapidetzen ari diren adinekoei aldi baterako egonaldiak eskaintzen dizkie Etxe Maitiak, Aldundiak tokia esleitu bitartean.

Gora