→Basauri

Mikel Iturbe basauriarrak Crowdfunding kanpaina abiatu du idatzi duen eleberria argitaratzeko

Kanpaina honen bitartez zuzenketa, diseinu eta argitaratze gastuak kubritu nahi ditu Iturbek. 3.000 euro biltzeko asmoa du urriaren bukaerarako.

Gazte basauriarraren lehen eleberria da "La tierra de la Luna Roja" / Mikel Iturbe

“La tierra de la Luna Roja” gazteentzako fantasiazko eleberria idatzi du Mikel Iturbe basauriarrak. Hiru urte eman ditu Iturbek liburua idazten, eta kanpaina honen bitartez zuzenketa, diseinu eta argitaratze gastuak kubritu nahi ditu. 3.000 euro biltzeko asmoa du urriaren bukaerarako, Verkami plataformaren bitartez. Liburua argitaratzen laguntzeko bide ezberdinak eskaintzen ditu Iturbek bertan.

Eleberriak Sararen abentura du oinarri:
Kazetaritza graduko 2. mailako ikaslea da Sara. Halako batean, mezu misteriotsu bat jasoko du Sarak, objektu txiki bat Bartzelonako tren geltoki batera eramateko laguntza eske. Bertara hurbildu, eta ustekabean, antzinako arbasoen gerra batera bidaiatuko du ikasle gazteak. 

Fantasiazko eleberria da ” La tierra de la Luna Roja”, eta laguntasuna, onespena, mendekua eta aurreiritziak izango ditu hizpide. Ilustratzaile profesional baten laguntza izan du Iturbek liburua osatzeko.

Eleberrian agertzen den mapa / Mikel Iturbe

Gauzak ondo bidean, azaroaren bukaerarako aurreikusten du Mikel Iturbek liburua erosleen eskuetara iristea. Irakurri GEURIAK Mikel Iturberi 2018ko martxoan egindako elkarrizketa. 

Gora

Geuria Laguntzaileak Geuria Laguntzaileak