→Basauri

Musika klasikoa eta euskal musika tresna tradizionalak Basauriko Udaberriko Kontzertuetan

Maiatzaren 17tik 21era bitartean Basaurik Udaberriko Kontzertuen XVIII. edizioa ospatuko du San Migelgo Taberna Nagusian eta Elizan. Lehendabiziko kontzertua BKB-Bidassoa Klezmer Band taldeak (klarinetea, biolina, gitarra eta kontrabaxua) eskainiko du, asteartez, 20:00etatik aurrera Taberna Nagusian. Maiatzaren 18an Hala Dzipo taldearen euskal musika tresna tradizionalen kontzertu didaktikoa ikusteko aukera egongo da 18:30etik aurrera, eta hilaren 19an Enrike Solinis eta Euskal Barrokensemble taldeak (biolin barrokoa, biolonea, perkuzioa, ahora, gitarra barroka eta lavta) “Hego-koloreak” emanaldia taularatuko dute 20:00etan.

Udaberriko Kontzertuei amaiera emateko maiatzaren 21ean, larunbatez, Danbolin Txistulari Elkarteak San Migelgo Elizan eskainiko du ikuskizuna, 19:30ean hasita. Kolaboratzaile izango ditu Maider Diez saxoa, Jose Garate kontrabaxua, Ibone Obieta akordeoia, Bizkaiko Gaiteroak eta Basauriko Dantza Taldeak.

Gora

Geuria Laguntzaileak Geuria Laguntzaileak