→Basauri

Social Antzokiko 2015eko programazioan euskararen presentzia mantentzen da

2015eko urtarrila eta maiatza bitartean Social Antzokiak antolatutako euskarazko ikuskizun gehienak haurrei zuzenduta daude: “Erpurutxo”, “Barbantxo”, Gari, Montxo eta Joselontxo Pailazoak, eta “Sialuk hartz txikiaren bidaia”, besteak beste.

Nagusientzako ere bi antzezlan prestatu dituzte: Dejabu Panpin Laborategiaren “Arrastoak” batetik eta Txalo konpainiaren “Hiru” bestetik. Gainera, hitzik gabeko antzezlanek ere lekua izango dute programazioan.

Social Antzokiko bazkideek sarrerak abenduaren 1etik 9ra bitartean eskuratu ditzakete leihatilara bertaratuz gero. Gainontzekoek abenduaren 10etik aurrera bereganatu ditzakete bai leihatilean, www.socialantzokia.com webgunean eta BBKko kutxazain zein web orrialdean ere.

Gora

Geuria Laguntzaileak Geuria Laguntzaileak