→Arrigorriaga

Elurretara irteera abenduan Arrigorriagako Udalak antolatuta

arrigorriaga astun elurretara irteera 2014

Abenduaren 5etik 8ra bitarterako antolatu dute eskiatzera joateko irteera Astúnera 18 eta 35 urte arteko gazteentzako. Gainontzeko udalerrietako pertsonak ere izena eman dezakete.Printzipioz 25 plaza eskainiko dira, eta izena emateko epea azaroaren 27ra arte izango da zabalik. Interesatuek Arrigorriagako Gaztegunean eman dezakete izena, baita Abusuko HAZen ere“, diote antolatzaileek.

Arrigorriagatik joan-etorriko bidaia autobusez, hiru gauerako ostatua -hiru edo lau pertsonentzako logeletan, ostatua eta gosaria erregimenean-, hiru egunerako Forfaita, hiru bazkari eski pistetan eta hiru egun horietarako pistako asegurua jasotzen ditu Gazteria Sailaren eskaintzak.

Elurretara joateko irteeraz gozatzeko prezioa 100 eurokoa izango da Arrigorriagan erroldatutakoentzat. 35 urtetik gorakoak ere joan daitezke “plazak soberan badaude eta 150 euro ordainduz gero“. Herrian erroldatuta ez daudenentzat, ostera, txangoak 175 euroko prezioa izango du.

Gora