Herriak

Gabonetako otarreak salgai Zuberoako Eperrak Ikastolaren alde

euskarabila zuberoa eperra ikastola otarrea 2014

Ikastolaren egoera ekonomikoa hobetzeko eta tokiko ekoizleak ezagutzera emateko egiten du Eperrak Ikastolak egitasmo hau. Interesatuek eskaera azaroaren 21a baino lehen egin behar dute Basauriko Euskarabila elkarteari email bat bidaliz.

Orain dela 11 urte, 2003an, hasi zuen Zuberoako Eperrak Ikastolak egitasmo hau egiten: Gabonetarako otarreak eskaintzen ditu Basaurin -eta, orokorrean eskualdean- Euskarabilaren laguntzarekin. Proiektuaren helburuak Ikastolaren egoera ekonomikoa hobetzea eta Zuberoako ekoizleak ezagutaraztea dira. Izan ere, “haur kopurua handitzearekin batera, gastuak ere areagotzen dira; baina, diru publikoa, aldiz, ez“, adierazi dute. Euskarabilatik esan dutenez, “salmenta honek diru iturrien %5a dakarkie, beraz, gure erosketa garrantzitsua da Eperra Ikastolaren diru sarreretan“.

Eskaintzen dituzten otarrak bi motatakoak dira. Alde batetik, 39 euroko otarrea dago: ardi gazta (900 gr), ahate gibela (125 gr), gurinezko gaileta paketea (200 gr) eta eztia (500 gr) aurki daitezke bertan. Bestea, 51 euroko kostea du eta aurreko produktuez gain, berotu eta arrozarekin edo patatekin jateko prest dagoen txahalki kontserba piperrekin (750 gr) eskaintzen da. Otarren bat erosteko eskaera egin duenak abenduaren 15eko astean jaso ahal izango du Basauriko Euskarabila elkartean.

Gora