→Galdakao

[Argazkiak] 2.500 lagunek eman dute izena Eternal Runningen Galdakaon

Asteburu honetan ospatu da hirugarren urtez jarraian Eternal Running Garaiezina Galdakaon. 10 kilometro lasterketak kirola eta ikuskizuna uztartzen ditu eta parte hartzaileen alde borrokalaria azalaraztea du helburu. Probak oztopo ugari ditu eta hori da, hain zuzen, jardueraren bereizgarririk handiena: lastozko kamioiak, txirrista menderaezina, amarehuna, irristagailua, aparraren gunea eta puzgarri zoroak dira oztopo-lasterketa honen ohikoak, besteak beste.

Argazkietan ikus daiteen bezala, aurtengo berrikuntzei dagokienez, zortzi oztopo berri izan ditu probak. “Esate baterako, zikloia, harea iraulkorra eta helikopteroa“, dio Ruben Lopez Eternal Runninneko zuzendariak: “Ez dugu gehiagorik aurreratuko, gure asmoa baita partaideek sorpresak eta ezustekoak lasterketan zehar aurkitzea“. Lasterketa puntuagarria da Eternal Running Munduko Zirkuituan. 2015 eta 2016 urteetako argazkiak eta bideoak hemen dituzu ikusgai. Honako ehun argazkiak Ander Arrieta argazkilari galdakoztarrarenak dira.

Gora

Geuria Laguntzaileak Geuria Laguntzaileak