→Galdakao

Santakurtzetan bortxaketa jasan duela salatu du Galdakaoko emakume batek

Emakume batek Galdakaoko jaietan bortxaketa jasan zuela salatu du. Gertaera ustez jaietako bigarren asteburuan izan zen. Galdakaoko Mugimendu Feministak jakinarazi duenez, irailaren 27an, ostegunez, 20:00etan elkarretaratzea deitu du Iturriondo plazan: “Gertaera hori gaitzesteko eta biktimari gure babes osoa emateko, irailaren 27an 20:00etan prentsaurreko masibo bat egingo dugu Galdakaoko Iturriondo plazan”, diote Galdakaoko Mugimendu Feministatik: “Bertara hurbiltzera gonbidatzen zaituztegu ahalik eta jende gehienak jakin dezan gure herrian ez dugula inolako eraso matxistarik onartuko”.

Galdakaoko Udaleko taldeek bozeramaileen batzarra egin dute gaur eta, besteak beste, gai honi heldu diote. “Galdakaoko Udalak, eta talde politiko guztiak aho batez, erabateko gaitzespena adierazi gura dogu udalerrian salatu dan erasoaren aurrean eta biktimari eta ingurukoei babesa eskaini deutsie. Udaletik diotenez, “kasuaren berri izan dugun momentutik eta gaiari buruzko ikuspegi osoagoa eta zehatzagoa izateko informazioa kontrastatu ondoren, Protokoloa aktibatu dugu eta presako bilera deitu dugu, informazio osoa izateko eta erantzun instituzioanala eta biktimaren arreta koordinatzeko”, diote zabaldu duten prentsa-oharrean. Galdakaoko Udalak bat egingo du udalerriko Mugimendu Feministak deitutako kontzentrazioarekin. Galdakaoko EH Bilduk batzarrean eskatu du Udala herri akusazio bezala aurkeztea.

galdakao jaiak bortxaketa salaketa 2018 galdakaoko mugimendu feminista

Orain dela bi urte, 2016ko santakurtzetan, emakume batek eraso sexista jasan zuen Galdakaoko Txosnagunean. Iaz ez zen eraso sexistarik gertatu Galdakaoko jaietan.

Gora

Geuria Laguntzaileak Geuria Laguntzaileak