→Galdakao

Dinamita fabrikako emakumeak aintzat hartuko ditu Galdakaok

galdakao martxoak 8 2017 romualda zuloaga plaza 10

Alzadi plaza ondoan eraikitzen ari diren urbanizazio berrian egingo den espazio publikoak hartuko du Emakume Dinamitarien plaza izena.

Iaz inauguratu zuten Romualda Zuloaga Artetxe plaza Urreta auzoan // Geuria

Emakumeek egindako ekarpenak aitortzea bilatzen du Galdakaoko Udalak. Zentzu horretan, kale-izendegian emakumeen presentzia areagotuko du eta martxoan emakumeekin zerikusia duen beste plaza bat inauguratuko dute. Zehazki, Emakume Dinamitarien plaza agertuko da hemendik aurrera Galdakaoko kale-izendegian.

Alzadi plaza ondoan eraikitzen ari diren urbanizazio berrian egingo den espazio publikoak hartuko du Emakume Dinamitarien plaza izena eta martxoaren 21ean, asteazkenez, inauguratuko dute jendaurrean, 19:00etatik aurrera. Martxoak 8-Emakume Langilearen Nazioarteko Egunaren inguruan Udalak antolatu duen egitarauaren markoan prestatu dute ekitaldia.

Parte-hartze prozesua

2016ko urte amaieran herritarren parte-hartze prozesua abiarazi zuen Udalak kale-izendegia emakumeen alde aldatzeko. Herritarrek hiru izen aukeratu zituzten: Romualda Zuloaga Artetxe (283 boto, %56,6), Emakume dinamitariak (185 boto, %35), Emakumeen kalea edo plaza (128 boto, %24,7), eta Kontxi Belandia Lekue (123 boto, %23,7). Iaz Romualda Zuloaga Artetxe izena eman zioten Urretako plazari.

Begoña Ormaetxe Berdintasun arloko zinegotziak dioenez, “ekimen horren arrazoia da gure historian arrastoa utzi duten emakumeen izenak ikusarazteko bultzada ematea. Eta zer hobe kale-izendegiaren bitartez egitea baino, eurek utzi diguten legatua oroimen kolektiboan txertatuta geratu daiten, betiko“.

Irakurrienak

Gora

Geuria Laguntzaileak Geuria Laguntzaileak

Geuria monografikoa | Basauriko Antzerki Eskolatik 'Handia' filmeraino PDF
|