→Galdakao

Programa | Mozolloker pertsonaia magikoak hasiera emango die otsailaren 9an Inauteriei

galdakao inauteriak 2017 desfilea 15

Inauterietako desfilea hilaren 9an izango da eta bertan parte hartzeko izena emateko epea zabalik dago otsailaren 7ra bitartean.

Inauterietako desfilea hilaren 9an izango da eta bertan parte hartzeko izena emateko epea zabalik dago otsailaren 7ra bitartean

Otsailaren 9tik 13ra bitartean ospatuko dira Inauteriak Galdakaon. Mozolloker pertsonaia magikoa herrian gertatu diren zoritxar guztien erruduna da eta bera izango da Inauterietako pertsonaia nagusia. “Otsailaren 9an Mozollokerren aurkezpena egingo da eta egun batzuen ostean berriro azalduko da, azken egunean, herritarren aurrean epaitua izan dadin“, dio Ainhoa Agirregoikoa Kultura zinegotziak.

Inauterietako jarduerarik jendetsuena izaten da mozorroen desfilea. Otsailaren 9an, ostiralez, izango da desfilea 19:00etatik aurrera Plazakoetxetik Kurtzea plazaraino. Bertan parte hartu nahi dutenek izena eman behar dute otsailaren 7a baino lehen Torrezabal Kultur Etxean.

Usansolon eta Urretan Inauteri jaiak antolatuko dituzte, 3 eta 15 urte arteko haur eta gazteei zuzenduta. “Programa zabala eta askotariko jarduerak hartzen dituen egitaraua eskaini gura izan dugu eta horretarako elkarteek eskaini diguten laguntza aitortu eta eskertu beharrean gaude“, azpimarratu du Agirregoikoak.

800 euro saritan

Galdakao herriguneko mozorro lehiaketa hilaren 9an izango da eta guztira 800 euro banatuko ditu. Lehenengo saritik hamargarrenera sari hauek emango dituzte: 225 euro, 150 euro, 100 euro, 80 euro, 60 euro, 40 euro, 30 euro, 25 euro eta 20 euroko bi sari. Horiez gain, 50 euroko sari berezi bat entregatuko diote eguneko mozorro onenari.

25 urte lehen kalejiratik

Mozolloker pertsonaia 1992an sortu zuen Hezkuntza eta Euskara arloak, udalerriko elkarte ezberdinen laguntzarekin eta harrez geroztik Galdakaoko Inauterien irudi nagusia da. Urtebete geroago Galdakaoko Inauterien melodia eratu zuten. Zentzu horretan, aurten 25 urte beteko dira Juan Carlos Irizar udal bandako zuzendaria zenak, “Galdakaoko Inauteriak” kalejira konposatu zuenetik. “Gero eta ezezagunagoa da Irizarren kalejira eta urtero inauterien hasieran jotzen da“, dio Agirregoikoak. Pieza musikal hau Zeberion jasotako Santa Ageda bezperako nota berezi batzuetan oinarrituta dago, Mikel Zamalloaren eskutik.

[Programa] Galdakaoko Inauteriak 2018

Otsailak 9, ostirala
17:30 Haur berbena Kurtzeko plazan: “Jau-Jau”
19:00 Desfilea: Plazakoetxe – J.B. Uriarte – Kurtzeko plaza
20:00 Mozollokerren epaiketa Kurtzeko plazan
20:00 Andra Mari Dantza Taldearen kalejira Santi Brouard plazatik: Goizuetako Zaragi-dantza eta Arizkungo Sagar-dantza

Otsailak 10, larunbata
12:00 Migas extremeñas kafearekin La Morenita Centro Extremeñoren eskutik Kurtzeko plazan
17:00 Inauteriak Urretan (3-15 urte): tailerrak, futbolin, pin-pon eta igle txapelketak
19:00 Mozorro desfilea Urretan
19:00 Altsasuko Inauteriak Kurtzeko plazatik Santi Brouard plazara (Andra Mari Dantza Taldea)
20:00 Mozorro lehiaketa Kurtzeko plazan (Zizpa Gazte Konpartsa)
+ Erromeria Kurtzeko plazan: Luhartz

Otsailak 11, igandea
17:30 Haurrentzako tailerrak Kurtzeko plazan

Otsailak 12, astelehena
17:15 Mozorro desfilea Gorosibaiko Kultur Etxean

Otsailak 13, asteartea
17:30 Haurrentzako tailerrak eta mozorro desfilea Unkina plazan (Usansolo)
17:30 Haur berbeba Kurtzeko plazan: Bualá
19:00 Mozollokerren epaiketa eta erretzea Kurtzeko plazan

Otsailak 17, larunbata
12:30-13:00 Iñude eta Artzaiak kalejira eta antzezpena Unkina plazan
13:30 Kalejira Usansolon

Irakurrienak

Gora

Geuria Laguntzaileak Geuria Laguntzaileak

Geuria monografikoa | Basauriko Antzerki Eskolatik 'Handia' filmeraino PDF
|