→Galdakao

Galdakaoko Goitibera lasterketak 300 euro banatuko ditu

Galdakaoko jaien barruan, irailaren 15ean izango da Goitibera lasterketa. Parte hartu nahi duenak izena emateko epea zabalik du irailaren 12ra arte.

Iazko Goitibera lasterketa Elexaldetik // Argazkia: Ander Arrieta

Irailaren 13tik 22ra bitartean ospatuko dira Galdakaoko jaiak, eta irailaren 15ean, igandez, izango da Goitibera lasterketa, uztailean aurreratu genuen bezala. Aurten, Jai Batzordeak antolatuko du lasterketa, iaz Legazpiko Maldan Behera Inertzia Kirolen Elkarteak proba antolatu ondoren. Ligakoak, Galdakaoko egurrezkoak, kuadrillakoak edo norbanakoak kategoriak izango dira aurten.

Gauzak horrela, aurten ere Patakon Kultur Elkartearen esku egongo da Goitibera lasterketaren antolaketa. Proban parte hartzeko izena emateko epea zabaldu dute irailaren 12ra arte. Interesdunek galdakaokopatakon@yahoo.es helbide elektronikora idatzi beharko dute izena emateko. 

300 euro saritan

Patakon Kultur Elkarteak jakinarazi duenez, aurten 300 euro banatuko dituzte saritan. K-1 eta K-2 kategorietan hiru saritu egongo dira: lehenengoak 100 euro eta kopa jasoko ditu; bigarrenak 75 euro eta kopa; eta hirugarrenak 50 euro eta kopa. Era berean, arinerari kopa emango diote eta neska arinenari 75 euro gehi kopa.

Aurtengo probarako arauak Galdakaoko Udaleko Kultura Arloan edota galdakaokopatakon@yahoo.es helbide elektronikoan eskatu daitezke. 

Gora

Geuria Laguntzaileak Geuria Laguntzaileak