→Galdakao

Katalunian ireki du GBGE elkarteak hamaseigarren Hozkailu Solidarioa

galdakao gbge hozkailu solidarioa 2017 lleida

Galdakaoko Boluntarioen Gizarte Elkarteak hamaseigarren Hozkailu Solidarioa ireki berri du. Hain zuzen, Lleidan eta Alt Urgell Ateneu elkarteak ezarri du.

Galdakaoko Boluntarioen Gizarte Elkarteak hamaseigarren Hozkailu Solidarioa ireki berri du. Hain zuzen, Lleidan eta Alt Urgell Ateneu elkarteak ezarri du GBGEren laguntzaz. Ekainaren 30ean 19:00etan izango da irekiera ofiziala. Aurretik, 17:00etan, hozkailuaren erabilera azalduko diete herritarrei GBGEko bi kidek eta Kataluniako Generalitateko Osasun saileko ordezkaria izango da bertan.

Ekimen honen helburua da egoera onean dauden elikagaiak alferrik ez galtzea eta behar dituzten pertsonen eskura jartzea.

HOZKAILU SOLIDARIOAREN SAREA HANDITZEN

Lehenengoko Hozkailu Solidarioa Galdakaon ezarri zuten GBGE elkarteak eta Udalak 2015eko apirilaren 29an eta erantzun “bikaina” izan zuen herritarren artean. “Zehazki, 200 kilo elikagai zabor-edukiontzian amaitzea ekiditu zen”, diote GBGE elkartetik.

Ekimenak arrakasta eta ospe handia lortu ditu harrez geroztik eta hainbat hiritan Hozkailu Solidarioaren sarea lau haizeetara zabaldu da: Galdakaon (2), Euskal Herriko Unibertsitateko Leioako kanpusean, Plentzian, Gasteizen, Donostian, Lasarten, Zaragozan, Bartzelonan (2), Santiago de Compostelan, Madrilen, Toledon, Valentzian, Sevillan eta Lleidan.

Gora

Geuria Laguntzaileak Geuria Laguntzaileak