→Galdakao

Hileta zibilak egiteko lokal publikoak egokituko ditu Galdakaoko Udalak

Galdakaoko udalbatzak onartu egin du hileta zibilak egiteko espazio eta lokal publikoak egokitzearen proposamena, EH Bildu Galdakaok mozioan aurkeztutakoa. Hain zuzen ere, talde politiko guztiek, PP izan ezin, baiezkoa eman diote mozioari.

Estatu ez-konfesional eta laiko batean, erakundeek pertsonen eta komunitate desberdinen ideologia, erlijioa eta kultua egiteko askatasuna bermetu behar dute“, diote EH Bildu Galdakaoko udal ordezkariek: “Galdakaon begibistakoa da aniztasun ideologikoa, erlijiosoa eta kulturala badagoela“.

Ibon Uribe Galdakaoko alkateak adierazi du gobernu-taldeak ekimen hau bultzatuko duela. Zentzu horretan, gogoratu du Galdakaon “inoz edo behin holango berezitasunak izandako ekintzak baimendu direla“, hala nola, Hodei Egiluz eta Javier López Peña ‘Thierry’ herritarrei agurrak.

Gora