→Galdakao

Zuzeneko sukaldaritza, lehiaketa gastronomikoak eta mendi irteera, Galdakaoko Jardunaldi Mikologikoetan

galdakao jardunaldi mikologikoak 2016 lehiaketa

Urriaren 23tik azaroaren 5era bitartean ospatuko dira Jardunaldi Mikologikoak Galdakaon. Aurten, 50. urteurrena bete dute jardunaldiek.

Gastronomia lehiaketa iaz, Jardunaldi Mikologikoen egitarauaren barruan // Galdakaoko Udala

Galdakao udalerri mikologikoa da egunotan. Usansolon Umore Onak antolatutako jardunaldi mikologikoak eta tabernetako Pintxo Lanperna txapelketa ospatzeaz gain, Peña Santa Cruz elkarteak bultzatutako Jardunaldi Mikologikoak izango dira azaroaren 5era arte. Aurten gainera, 50. urteurrena bete dute jardunaldiek.

Era berean, jardunaldiei laguntzeko, azaroaren 4an (10:00etatik 15:00etara) eta 5ean (11:30etik 15:00etara), Nekazaritza eta Artisautza Azoka izango da Kurtzeko plazan.

Galdakaoko Jardunaldi Mikologikoak 2017 – Egitaraua

Urriak 23-Azaroak 4
Argazki erakusketa. Argazki-ibilbidea jardunaldien historian zehar. Urreta kiroldegia

Urriak 26, osteguna
19:00-21:00 Show-cooking (zuzeneko sukaldaritza) Torrezabal Kultur Etxean. Sukaldari entzutetsuek perretxikoekin egindako plater batzuk landuko dituzte, prozesua eta ezaugarriak azalduz

Urriak 28, larunbata
12:30 Oroimen eguna. Meza nagusia Santa Maria elizan, hildako bazkide eta laguntzaileen omenez. Ohorezko aurreskua Andra Mari Dantza Taldearen eskutik. Ostean luntxa

Urriak 29, igandea
10:00-13:30 Lehiaketa gastronomikoa Iturriondo plazan ostalaritza eskola, txoko/elkarte eta partikularrei zuzendua. Lehiakideek jendeaurrean perretxiko platerrak egingo dituzte, eta ostean sukaldari ospetsuz osatutako epaimahaiak baloratuko ditu

Urriak 31, asteartea
19:00-21:00 Solasaldi eta mahai-inguru mikologikoa Santa Cruz elkarteko egoitzan. Eztabaida: Amanita Rubescens – Galdakao lanperna

Azaroak 4, larunbata
08:30-13:30 Perretxikotan Sarriako parketxera (Gorbeia), Galdakaoko ikastetxeetako ikasleekin batera. Kurtzeko plaza

Azaroak 5, igandea
10:00 Bizkaiko Jardunaldi Mikologikoen 50. urteurrena Kurtzeko plazan: perretxiko-erakusketa, eskolarteko perretxiko-lehiaketa, pintxo solidarioa (Fekoor erakundearen alde) eta esku pilota partiduak

Gora