→Galdakao

Lan-munduratzerako 325.000 euro bideratuko ditu Galdakaoko Udalak

galdakao basogintza behargintza

Galdakaoko Behargintzak deialdia zabaldu du enplegu eta prestakuntza proiektuen bidez enplegua sustzatzeko. Basogintzako jarduerak eta ingurumena mantentzeko prestakuntza eta sei hilabeteko lan-kontratazioa aurreikusita dago.

Galdakaoko Udalak 325.000 euroko diru-laguntzak bideratuko ditu enplegua sustatzeko, enplegu eta prestakuntza proiektuen bidez, Toki-garapen eta Enpegu Saila-Galdakaoko Behargintzak egindako deialdi publikoaren arabera.

Deialdi honen helburua da zailtasun bereziak dauzkaten pertsonen gizarteratze eta lan-munduratze arloan diharduten irabazi asmorik gabeko erakundeentzako laguntzak bideratzea eta bide batez, enplegagarritasuna sustatzea.

ENPLEGU-PRESTAKUNTZA PROGRAMA

Diru-laguntzaren asmoa da enplegu-prestakuntza programa bat egitea, bi arlo konbinatuz. Alde batetik, basogintzako jarduerak eta ingurumenaren mantentzearen prestakuntza eta bestetik, jasotako heziketarekin lotuta dauden zereginak egitea: “enplegu berdea”.

Zentzu horretan, prestakuntza aurreikusita dago gutxienez 18 pertsonako taldearentzat ematea, 300 eta 500 ordu artean. Era berean, aukeratutako pertsona hauek sei hilabeteko lan-kontratazioa izango dute, lanaldi osoko dedikazio-erregimenarekin.

Gora

Geuria Laguntzaileak Geuria Laguntzaileak