→Arrigorriaga

Praktiketako bekak eskainiko dituzte Hego Uribeko udalerriek 18 eta 25 urte bitarteko gazteentzako

Praktika ez laboralak izango dira eta sei hilabeteko kontratua ahalbidetzen dute Nerbioi-Ibaizabal eskualdeko 21 gazteentzako. Bizkaiko Foru Aldundiko Gazteria Sailarekin izenpetutako hitzarmena da.

Nerbioi Ibaizabal eskualde osoan (Arrigorriaga, Arakaldo, Basauri, Etxebarri, Galdakao, Ugao, Zaratamo, Orozko eta Urduña) praktiketako 21 beka ez laboral ipiniko dituzte martxan irailetik aurrera, Bizkaiko Foru Aldundiko Gazteria Sailarekin izenpetutako hitzarmenari esker.

Horiek horrela, eskualde osoko 21 gazteek aukera izango dute lana izateko bekadun praktiken bitartez eta sei hilabeteko eperako. Ondorengo baldintzak bete behar ditu eskatzaileak: 18 eta 25 urte bitartekoa izatea; Lanbiden enplegu-eskatzaile bezala izena emanda egotea; Unibertsitate, lanbide-heziketa (erdi nahiz goi maila), goi mailako kirol nahiz arte irakaskuntzako titulua izatea edo Gaitasun Ziurtagiriren bat; hiru hilabete baino gehiagoko lan-harremanik edo bestelako lan esperientzia euki ez izana; eta aurretik aipatutako udalerrietan bizitzea.

Baldintzok bete eta interesa duenak informazio gehiago eska dezake Galdakaoko Torrezabal Kultur Etxeko Gazteria Arloan, Agirre Lehendakariaren plazako lokalean edo 944 010 598 telefonoan -astelehenetik ostiralera, 09:00etatik 14:30era-.

Gora

Geuria Laguntzaileak Geuria Laguntzaileak