Gutunak

Gidariak izorratu ala gidariak errespetatu?

“Basauriko oinezkoak errepidera botatzen dira autoak datozen begiratu gabe”. Honelakoak entzun behar dizkiot askotan Leioako lagun bati. “Basauriarrok konfiantza osoa dugu gure auto-gidariengan”, irribarrez eta ironia puntu batekin erantzun behar diot. Zer esango diot ba, basauriar harroa naiz ni.

Konfiantza izan ala ez, errepidean ibiltzea, egia esan, ez da lan zaila. Gidariok badakizkigu herrietan gidatzeko arauak, eta errespetu handiz ibiliko bagina, ez litzateke arazorik egongo. Arazoa dator
errespetua galtzen eta errepidea bakoitzarena egiten dugunean. Orduan datoz komeriak: istripuak, isunak eta haserreak. Basauri atseginagoa eta guztiona egiteko erronkan, Udalak ekimen berria jarri du martxan, eta azaroaren 24tik aurrera hiri-inguruneetako gehienezko abiadura 30 kilometro ordukoa da. Lagunarteko solasaldietan eta sare sozialetan kristoren polemika sortu da, agintariek basauriarrak izorratu nahi dituztelakoan. Egia esan, Udalak gu izorratzea besterik ez duela egiten pentsatzea da basauriar askoren kirol gogokoena. Bada, nik herritarren parte-hartzearen alde egin nahi dutela da antzematen dudana, eta, ez al da nahi duguna? Herri parte-hartzaile batean bizitzea?

Atzera pausoa baino aurrera pauso bi direla esango nuke, izan ere, istripuak gutxitzea lortuko dugu, beraz, herri seguruago batean biziko gara. Gainera, zarata nabarmen gutxituko dela aurreikusi dute, guztiz beharrezkoa, behintzat, kale zaratatsuetan bizi garenontzat. Hau guztia gutxi balitz, osasunaren alde egiten du ekimen berri honek; bada, gas-isurketak gutxituko dira, aire kalitatea hobetuz eta kutsadura murriztuz. Diru-bilketa areagotzeko ekimena dela uste dutenek, beren burua bakarrik errespetatzen dutelako izango da. Hiru hilabete izango ditugu basauriarrok ekimenera egokitzeko eta, gainera, Udaltzaingoa izango dugu guri laguntzeko prest, informazioa eskaintzen eta isunik jarri gabe. Izorratzea al da hori?

Orain, gure buruari galdetzea besterik ez zaigu falta. Zein motatako herrian bizi nahi dugu? Oinezkoa naizen moduan, errepidea konfiantzaz gurutzatu nahi dut; gidaria naizen moduan, trafiko lasaia eta mugikortasun hobea lortzen saiatuko naiz; eta basauriarra naizen moduan, herri atsegin eta hobe batean bizi nahi dut.

creating the billions of dresses
christina aguilera weight loss How to Light a Night Fashion Shoot

This article was first published by the Toy Book on August 15
miranda lambert weight lossAcademy Awards Red Carpet Hair Tips From Pravana Celebrity Stylist Sacha Quarles
Gora