Zutabeak

100 urte beteko lituzkeen frontoia

Aitzinako Kurtzeako frontoi estaligabeak 100 urte beteko lituzke aurten zutik mantendu izan balitz. Hain zuzen ere, 1916ko otsailaren 29ko urteurrena ospatu beharko izango luke.

Kurtzea frontoiko akta-liburuak dioenez, “[…] seirehun eta hogei metro karratuko zabaleran eraikia dago […] Iturriondo Etxearen lurzoru oinordetuan. Frontoiak hogeita hamar metroko luzera du eta hamasei metro zabaleran; guztira, laurehun eta larogei metro karratuko azalera hartzen du frontoiak. Frontisaren horma harlanduzkoa da, zorua lauza ladradoritaz eta alboko hormak -zazpi metroko altueran- harlangaitzez eginda daude […]. Ekialdean Iturriondo baserria dago, Mendebaldean Durangora joateko errepidea, Hegoaldean seirehun eta hogei metro karratuko orubea eta Iparraldean bola-jokoa duen etxea”.

Deigarri gertatzen da frontoiaren dimentsioa, izan ere luzeeran dituen 30 metro karratuekin konparatuta, zabaleran dituen 16 metro karratuak heinetik aterata daude.

Akta-liburari jarraiki, honakoa dio: “Frontoiaren inskripzioa Don León Asúa e Iturriozen izenean dago, Felipe Barrena y Aguirrezabala notarioaren aurreran […] eta 1916ko otsailaren 29an sinatuta dago”.

Ondoren eraiki zituzten etxebitzitza berri batzuk, Juliánen denda zegoen lekuan. Dokumentuaren arabera, “bi bizileku dituen etxebizitza eta bi lokal komertzial daude -Generalisimo plazatik sarrera dutenak-, baita etxebizitza garai bat bi bizileku independenteekin […], zeintzuek sarrera arestian aipatutako plazaren atzeko aldetik zuten”.

Dakigunez, frontoi estaligabea eraitsia izan zen […]. Pilotaleku berriaren inaugurazioa 2001ko irailean izan zen, baina bi egun aurretik, Patxi Eugi pilotariak instalazio berriak ikusi zituen Luis Beroizen eskutik eta Karmelo Ariznabarreta eta Oier Zearra lagun zituela […].

Pelotazale aldizkarian argitaratuta apirilean. Kazetaria: Juan Luis Ibarretxe
Gora

Geuria Laguntzaileak Geuria Laguntzaileak