☉ Ugao
[PROGRAMA] Ugaoko jaiak izango dira irailaren 7tik 12ra bitartean
Udiarragako jaiak gero eta gertuago daude. Kale animazioak, hitzaldiak, gastronomia eta karta txapelketak eta kontzertuak antolatu dituzte, besteak beste.
Udiarragako jaiak gero eta gertuago daude. Irailaren 7an, asteazkenez, hasiko dira Ugaoko jaiak eta hilaren 12ra arte luzatuko dira. Kale animazioak, hitzaldiak, gastronomia eta karta txapelketak eta kontzertuak antolatu dituzte, besteak beste.
Ugaoko jaiak 2016 – Egitaraua
Irailak 7, asteazkena
18:00 Mus txapelketaren hasiera jubilatuen elkartearen lokaletan
18:30 Koadrilen jaitsiera, buruhandien eta Gazteleku fanfarrearen eskutik
19:00 Pregoia eta txupinazoa udaletxean
19:30 Kale animazioa Gazteleku fanfarrearekin eta Ugaoko buruhandiekin
20:15 Salbea Ama Birjinaren ohorean, ermitan
20:30 Kontzertua baselizan: Eder Bengoetxea (biolina) eta Eki Etxebarria (pianoa)
20:30 Koadrilen jaitsierako sari-banaketa Herriaren enparantzan
20:30 Dantzaldia Herriaren enparantzan: Luhartz
Irailak 8, osteguna
11:00 Diana
12:00 Meza nagusia
13:00 Bilbainadak Herriaren enparantzan
13:00 Kalean Kantuz Bidebieta trikitilarien laguntzarekin
18:00 Pirritx, Porrotx eta Marimotots pailazoak Gernika enparantzan
19:30 Hitzaldia Jane Jauregian – Sergio Escribano-: “Indusketak Santa Maria del Yelmoko Santutegian (Laudio)”
21:00 Kontzertua Herriko enparantzan: Niko Etxart
Irailak 9, ostirala
13:00 Omenaldia udalerriko emakumezko eta gizonezko helduenari, jubilatuen elkarteko lokaletan
14:30 Erretiratuen bazkaria El Jaro kiroldegian
18:00 Zumba Herriaren enparantzan (euria bada, El Jaro kiroldegian)
19:00 Sarea Txiki eta Mungiako Tantak korala ermitan
19:30 Hitzaldia Jane Jauregian – Iñaki Garcia Uribe-
20:00 Kluben arteko Kickboxing ermitako plazan (euria bada, El Jaro kiroldegian
21:30 Dantzaldia Herriaren enparantzan: Arizgoiti taldea
23:30 Kontzertua Gernika enparantzan: Enkore + Kaotiko
Irailak 10, larunbata
09:00 Gastronomia lehiaketak ermitako zabalgunean: Marmitakoa eta Tortilla (euria bada, ikastetxean)
11:00 Diana
11:30 Arrantza ikastaro teoriko-praktikoa, 8 urtetik gorako umeentzako. Topagunea: Bide Zaharra kaleko lokalean
12:30 Euskal Pilota erakustaldia Gernika enparantzako frontoian: Ugao eta Arrankudiaga
14:00 Gastronomia lehiaketen sari-banaketa
15:00 Plater-tiroketa Zeberioko Ermitabarri auzoan
17:00 Emakumezkoen futbol txapelketa triangularra Arandia zelaian
18:00 Mus txapelketaren finala Jubilatuen Etxean
18:30 Dantza-jaialdia ermitako plazan: Esbart Dansaire (Granollers) eta Etorki Dantza Taldea (euria bada, El Jaro kiroldegian
20:00 Kale animazioa Ku-Klux fanfarrearekin eta Ugaoko buruhandiekin
20:00 Abesbatza kontzertua ermitan: Santa Lucia abesbatza (Laudio)
21:30 Dantzaldia Herriaren enparantzan: Akerbeltz
24:00 Kontzertua Gernika enparantzan: Play The Game (Queen-en tributu banda)
02:15 DJ emanaldia Herriaren enparantzan
Irailak 11, igandea
09:00 Arrantza Masterra
11:00 Diana
11:00 Nekazaritza Azoka ermitako zabalgunean
11:00 Umeentzako jolasak Herriaren enparantzan
13:00 Herri Kirolak ermitako zabalgunean
16:30 Txirrindulari-lasterketa
18:00 Irristaketa artistiko jaialdia Gernika enparantzan (euria bada, El Jaro kiroldegian)
18:00 Kale animazioa Guretzat fanfarrearekin eta Ugaoko buruhandiekin
19:00 Zirku-emanaldia Herriaren enparantzan
21:30 Antzerkia Gernika enparantzan: Ugaoko Bidea Taldea
Irailak 12, astelehena
11:00 Diana
11:00 Hildakoen aldeko meza ermitan
11:00-14:00 + 17:00-19:00 Umeentzako jolas-parkea ermitako plazan
11:00-14:00 + 17:00-19:00 Gazteentzako jolas-parkea Arandian
12:30 Kale animazioa Beti Jai fanfarrearekin
14:30 Indaba-jan tradizionala
18:30 Kale animazioa Zo-Zongó taldearen eskutik
19:00 Kulero, tanga eta galtzontzilo lasterketan izena ematea
20:00 Kulero, tanga eta galtzontzilo lasterketa
20:30 Dantzaldia Herriaren enparantzan: Oxabi
20:30 Kale animazioa Zo-Zongó taldearen eskutik
23:15 Bolari buelta
23:30 Azken traka
☉ Ugao
Gastronomia jardunaldiek Michelin izarrez beteko dute Ugao
Plazak mugatuak izango dira eta izen ematearen prezioa 20 eurokoa izango . Bildutako diru guztia Aspanovas Elkarteari emango zaio
Goi mailako sukaldaritza eta elkartasuna batuko ditu datorren apirilaren 22an Ugaon (18:00etatik 20:15etara Jane Jauregian) ospatuko den Sukaldaritza eta Gastronomia lehiaketaren hirugarren edizioak. Jon Gil herriko sukaldakariak eta Ekaintz Mentxaka alkateak aurkezpen prentsaurrekoan adierazi dutenaren arabera, “sorpresaz betetako” edizioa izango da aurtengoa.
Iazkoak etorkizuna izan bazuen ardatz, Euskadiko sukaldari gazteentzat erakusleiho bikaina izan baitzen, aurten Mitxelin izarrek eta estatu mailako sukaldari ospetsuek dir-dir egingo dute Ugaon: María Amundarain (Arzakeko partidaburua, hiru Michelin Izar), Carito Lourenço (Valentziako Fierro jatetxekoa, Michelin izar bat), Mariana María Sánchez eta Gonzalo Baquedano (Logroñoko Ajo Negro jatetxea, Michelin izar bat), Marcos Mistry (Asturiasko Marcos Jatetxea, Michelín Izar bat), Alatz Bilbao (Mungiako Bakea jatetxea, Repsol eguzki bat) eta Víctor Decastro (Mungiako Leku-Ona gozotegia).
Gilek berak azaldu du sukaldariak ez direla protagonista bakarrak izango:”Garrantzitsua da Euskadiko eta Estatu mailako talentu gazteen potentziala ikusarazten jarraitzea eta herriarekin elkarrekintzarako loturak edo esperientziak bilatzea. Horregatik, aurten ere, sukaldariak, ekoizleak, enologoak, mahastizainak eta nekazaritzaren munduko pertsonak elkartuko gara herritarrentzat interesgarriak diren hainbat ideia eta kontzeptu balioesteko”. Ez da jardunaldi honen helburu bakarra, ordea: Mota honetako ekimenek” borobildu du sukaldari ugaotarrak, “sukaldaritza lehiaketetara hurbiltzeko aukerarik ez duten pertsonei gure sukaldaritzak, gure kulturak eta hemengo profesionalak nola eboluzionatzen ari diren ikusteko aukera eskaintzen die”.
Ekaitz Mentxaka Ugaoko alkateak, bere aldetik, nabarmendu du “gastronomiak eta elkartasunak beti primeran uztartzen dutela”.
Lehiaketa plater-dastatze formatuan gauzatuko dute, eta bertara hurbiltzen diren ugaotarrek, bere elaborazioaren sekretuak ezagutzeaz gain, prestatutako platerak dastatu ahal izango dituzte.
Hirugarren lehiaketa honetan parte hartu nahi duten 18 urtetik gorako ugaotarrak Jane Jauregira bertaratu beharko dira dagokion inskripzioa egiteko (ugaotarrek lehentasuna izango dute): 688 69 38 36.
Apirilaren 12an hasi eta apirilaren 21era arte egongo da zabalik izena emateko epea. Presentzialki egin behar da, hurrengo ordutegian: goizez 10:00 14:00 eta arratsaldez 16:00 18:00.
Plazak mugatuak izango dira eta izen ematearen prezioa 20 eurokoa izango . Bildutako diru guztia Aspanovas Elkarteari emango zaio.
☉ Ugao
Envases Universales enpresako langileek herri asanblada eta mobilizazioak deitu dituzte Ugaon
08:00etan elkarretaratzea egingo dute Herriaren plazan, udaletxearen aurrean. 10:30ean, Bilboko Albia lorategietara abiatuko dira Ugaoko langileak
Martxoaren 26an herri asanblada deitu du Envases Universaleseko enpresesa batzordeak Ugaoko Jane jauregian, 19:00etan.
Data honek “garrantzi berezia” dauka Ugaoko langileentzat, egun horretan bukatzen baita batzordea eta zuzendaritza taldeko kontsultak egiteko epea.
Horren haritik, eta ikusita egun horretan bertan osoko bilkura egingo dutela Ugaoko udaletxean, 08:00etan elkarretaratzea egingo dute Herriaren plazan, udaletxearen aurrean. 10:30ean, Bilboko Albia lorategietara abiatuko dira langileak, bertan egingo baitute kontsulta-epearen azken bilera.
19:00etan herri asanbladaren txanda izango da, Ugaoko jane jauregian. Multinazionaleko langileek beren egoeraren berri emango diete hitzorduan parte-hartuko duten herritarrei.
Apirilaren 8tik 19ra bitartean mobilizazioak deitu dituzte eta horien berri laster emango dutela aurreratu diote batzordetik GEURIAri.
Kronologia laburra
Otsailak 19: Aldi Baterako Enplegu Erregulazio-Espedientearen iragarpena enpresa batzordeari
Otsailak 26: Enpresa batzordea eta zuzendaritzaren arteko bilera, Bilboko egoitzan, eta iragarpen ofiziala
Otsailak 28: Enpresa batzordearen asanblada Ugaoko lantegiko langileekin
Martxoak 7: Lehen mobilizazioak: langileen lehen lanuzteak eta elkarretaratzeak Ugaoko lantegian zein Bilboko egoitzan
Martxoak 16: Manifestazioa Ugaon
Martxoak 20: Elkarretaratzea Gernikako Juntetxean
Martxoak 26: Elkarretaratzeak eta herri asanblada Ugaon
Apirilak 8-19: Borroka-astea
☉ Ugao
Argazkiak / Korrika Arrankudiagatik heldu eta Zeberiorantza abiatu da Ugaoko bazterrak arakatu ostean
13:00ak aldera iritsi da Korrika Ugaora, Arrankudiagatik. Trenbideen gaineko zubian harrapatu ditu korrikalariak GEURIAk.
13:00ak aldera iritsi da Korrika Ugaora, Arrankudiagatik. Trenbideen gaineko zubian harrapatu ditu korrikalariak GEURIAk. Horra hor gaurkoan Ugaon bizitako irudi batzuk.
☉ Ugao
Ugao / Korrika 23 / 2024
23. Korrika bigarren egunez igaro da Hego Uribe eskualdetik. Arrankudiagak lekukoa pasa dio Ugaori. Hauek AEKk furgonetatik egin dituen argazkiak:
☉ Ugao
Herri bazkaria antolatu dute apirilean Ugao ikastolaren 50. urteurrena ospatzeko
“Sorpresez betetako eguna” izango da apirilaren 27a, antolakuntzakoek GEURIAri azaldu lez, eta txupina eta kale animazioa antolatu dituzte herrian. Gainera, omenaldi “berezia” egingo diete ikastolako guraso eta irakasleei
Ugao ikastolako guraso eta ikasle ohiek ikastolaren sorrerako 50. urteurrena ospatuko dute apirilaren 27an. Mende erdia ospatzeko bazkaria prestatuko dute herriko frontoian herritar guztientzat eta bertan parte hartzeko izena eman beharko dute interesdunek martxoaren 25etik apirilaren 20ra Zelai, Felipe eta Lainoa tabernetan.
Bazkariaz gainera “sorpresez betetako eguna” izango da apirilaren 27a, antolakuntzakoek GEURIAri azaldu lez, eta txupina eta kale animazioa antolatu dituzte herrian eta omenaldi “berezia” egingo diete ikastolako guraso eta irakasleei, besteak beste.
GEURIAk ikastolaren inguruko erreportajea argitaratu zuen iazko urte amaieran, sorreraren garaiko uneak birgogoraziz eta Esther Idirin, Karmele Belar, Karmele Landeta, Bego Reketa, Lino Ayesta, Ana Tere Salazar eta Cecilia Cortazar protagonisten berbak jasoz.