→Arrigorriaga

Argazkiak | Arrigorriagako Euskal Azokak Zeberio eta Ugaoko nekazal produktuak ekarri ditu

Pasa den igandean Euskal Astearen barne Euskal Azoka antolatu zuen Arrigorriagako Udalak, udaletxeko arkupean bertan. Hainbat ekoizle izan ziren euren nekazal produktuak saltzen, eta euren artean Zeberioko Aitor Azkueta eta Ugaoko Esnetik enpresako Olatz Etxebarria gaztagileak izan ziren.

Koronabirusak benetan gogor astindu du nekazaritzako sektorea, eta aurten, zonaldeko ekoizleei laguntzearren edizio benetan berezia antolatu zuen pasa den igandean Arrigorriagako Udalak. Azokak 11:00etan ateak ireki bazituen ere, jendea eguerdi aldera hurbiltzen hasi zen udaletxeko plazara eta nekazal produktuak ikusi eta erosi ahal izateko azokako antolatzaileek ezarritako segurtasun zirkuitua jarraitu behar izan zuen, eskuak gelez behar bezala garbitu ostean. Euskal pastelak, barazkiak, ogiak, gaztak eta esnekiak… denetarik egon zen salgai bertan. Azokaren sarreran ere Euskaraldiko postu bat ipini zuten, nahi zuenak ekimenean izena emateko. Gogoratu, hala ere oraindik izena eman dezakezula Euskaraldiko webgunean.

Aurtengo azokan kupelarik edo dastaketarik egon ez arren, 14:00etan mariskada-zozketa egin zuten udaletxe parean.

 

Arrigorriagako Euskal Azoka 2020 / Geuria

 

Bideoa | Arrigorriagako Euskal Azoka inoiz baino ixilagoa antolatu dute aurten Koronabirusaren mehatxuagatik

Gora

Geuria Laguntzaileak Geuria Laguntzaileak