→Arrigorriaga

Arrigorriagako udal eraikinetan maskara erabiltzea ez da derrigorrezkoa gaurtik aurrera

Apirilaren 20tik aurrera ez da derrigorrezkoa izango musukoa udal eraikinetan jantzita eramatea. Hala iragarri du Arrigorriagako Udalak prentsa ohar baten bidez

Musukoa, aurtengo Santa Ageda bezperan // Geuria

Apirilaren 20tik aurrera ez da derrigorrezkoa izango musukoa udal eraikinetan jantzita eramatea. Hala iragarri du Arrigorriagako Udalak prentsa ohar baten bidez: “Estatuko  Aldizkari Ofizialak (BOE) gaur argitaratu du barnealdeetan  maskara nahitaez erabili beharra kentzeko dekretua. Ministroen  Kontseiluak atzo onartutako dekretua gaur, apirilak 20, sartu da indarrean, BOEn argitaratu ondoren”.

Hala ere, hainbat salbuespen daude: garraio publikoetan eta taxietan zein osasun-zentroetako eraikinetan (ospitaleak, osasun-zentroak, farmaziak) musukoa janzten jarraitu beharko da, baita egoitzetan eta nagusien etxeetan ere. Udaleko ordezkariek “zuhurtziaz jokatzeko” deia egin die herritarrei eta aireztapen egokia edo segurtasun tartea mantentzea posiblea ez den egoera horietan maskara jantzita mantentzea gomendatu du, “bereziki pertsona zaurgarriak egon daitezkeen lekuetan”

Basauriko Kareaga auzoko osasun-zentroa // Geuria

Gora

Geuria Laguntzaileak Geuria Laguntzaileak