→Arrigorriaga

Tokiko merkataritzaren “balio erantsia” nabarmendu dute Arrigorriagako herritarrek

Tokiko merkataritzak herriarentzat suposatzen duen balio erantsia nabarmendu dute Arrigorriagako hainbat herritarrek bideo batean.

Argazkia: Arrigorriagako Udala

Tokiko merkataritza bultzatzeko ekimena zabaldu dute Arrigorriagan. Hain zuzen ere, Arrigorriagako merkatariak laguntzeko eta babesteko bideoa egin dute. Tokiko merkataritzak herriarentzat suposatzen duen balio erantsia nabarmendu dute hainbat herritarrek bideoan.

“Arrigorriagako dendari, ostalari eta zerbitzu enpresak hasi dira apurka-apurka euren ateak zabaltzen, deskonfinamenduaren arintze neurrien lehen fasearen baitan”, dio Maite Ibarra Arrigorriagako alkateak: “Azken asteetan merkatari eta ostalariekin egindako bileran adostu zen, tokiko merkataritza bultzatzeko egingo diren ekimenen artean, hasierako bideo hau egitea”. Bideoa maiatzaren 9an kaleratu zuten eta euskarazko bertsioak dagoeneko 500 ikustaldi baino gehiago ditu.

“Merkatari asko pertsiana altxatzen ari dira. Denon artean altxatzea dagokigu orain, elkartasunez, batasunez, bizi pozez, Arrigorriaga bizi eta koloretsua berreskuratzeko asmoz”, dio Ibarrak.

Gora

Geuria Laguntzaileak Geuria Laguntzaileak