Sareak

☉ Arrigorriaga

Arrigorriagako udal gobernu berriak 20.000 euroan murriztuko du alkatearen soldata

2015ean Asier Albizuak alkatearen soldatan gauzatu zuen igoera bertan behera uztea. Ondorioz 20.000 euroko jaitsiera gauzatuko dute alkatearen urteko soldatan. Gauzak horrela, Maite Ibarraren behin betiko soldata 47.392 eurokoa izango da. 

|

Arrigorriagako Udal gobernua osatzen duten zinegotziak / Geuria

EH Bilduk eta Arrigorriaga Garak udal gobernuaren behin betiko osaketa finkatu dute. Halaber, uztailaren 1ean udalbatzarrean onartuko dituzten zenbait proposamen azaldu dituzte, alkatearen soldata 20.000 euroa murriztea edota udal talde politikoei dagozkien diru sariak %10 murriztea.

Udal gobernua hurrengo arloetan banatzea zehaztu dute bi alderdiek: María Jesús Acedo Sierra (Garapen Iraunkorra, Ingurumena eta Udaltalde Tokiko Agenda 21 Zinegotzigoa);  Idoia Molina Fernández (Auzoak, Hirigintza eta Etxebizitza Zinegotzigoa); Peio Garmendia Garmendia (Ogasuna, Kontuak eta Giza Baliabideak Zinegotzigoa); Eñaut Barandiaran Urkiza (Euskara, Hezkuntza eta Kirolak Zinegotzigoa); Joana Etxeberria Simarro (Gizarte Ekintza eta Politika Feminista Zinegotzigoa); Iratxe Rubio Gilen  (Kultura eta Gazteria Zinegotzigoa); Floren Albarrán Valero (Ekonomia eta Enplegu arloko Zinegotzigoa). Maite Ibarra Goti alkateak, bestalde, Gardentasuna, Parte Hartzea eta Komunikazioari dagokion atala landuko du.

Era berean, honako zinegotziak izango dira alkateordeak, adierazitako izendapenenen hurrenkeran: María Jesús Acedo Sierra, Idoia Molina Fernández, Peio Garmendia Garmendia, Eñaut Barandiaran Urkiza eta Joana Etxeberria Simarro. Tokiko Gobernu Batzordeko kideak izango dira, bestalde, Maite Ibarrarekin batera,  María Jesús Acedo Sierra, Idoia Molina Fernández, Peio Garmendia Garmendia, Eñaut Barandiaran Urkiza eta Joana Etxeberria Simarr.

Uztailaren 1eko udalbatzan onartuko dute udal gobernuaren banaketa hori, eta horretan onartuko dute ere 2015ean alkatearen soldatan EAJk eta PSEk gauzatu zuten igoera bertan behera uztea. Ondorioz 20.000 euroko jaitsiera gauzatuko dute alkatearen urteko soldatan. Gauzak horrela, Maite Ibarraren behin betiko soldata 47.392 eurokoa izango da. Udal talde politikoendiru sariak ere %10 murriztuko dituzte EH Bilduk eta Arrigorriaga Garak.

 

☉ Arrigorriaga

Arrigorriagako Padura Futbol Taldea emakume bila dabil haur eta kadete kategorietan

Padurak haurren kategoriako talde bakarra du gaur egun eta bigarren urtekoak federatuen mailara igaroko dira, kadeteen mailara. Hori dela eta, datorren urterako talde bi dituzte baina “txiki” geratzen zaizkiela dio Xabi Zabalak Arrigorriagako futbol taldetik

|

Padurako neskak, partida batean // Padura Futbol Taldea

Padura Futbol Talde arrigorriagarrak deialdia luzatu du datorren ikasturteari begira emakume gehiago izateko. “Datorren denboraldirako haur eta kadete kategorietako taldeak osatzeko nesken bila gabiltza”, azaldu du Xabi Zabalak Paduratik.

Zehazki 2008 eta 2013 urteen bitartean jaiotako neskak bilatzen ditu klubak. Joan den urtean kimuen taldea atera zuten Paduratik eta aurten Futbol11ra igaro dira. Gaur egun, Padurak haurren kategoriako talde bakarra du eta horietako batzuk federatuen mailara igaroko dira, kadeteen mailara, hain zuzen ere: “Hori dela eta, datorren urterako talde bi izango ditugu baina txiki geratzen zaizkigu jokalarien aldetik”, dio Xabik. “Ondorioz, kategoria bietan jokalari gutxiegi geratuko dira eta talde horiek osatzea da gure helburua”.

Gaur egun 22 neska daude Padura Futbol Taldeko haurren kategorian, eta kimuen kategoriako talde mixtoan neska batek ere hartzen du parte. Emakumezkoen taldearekin bat egin nahi dutenek 688 698 876 telefono zenbakira deitu beharko dute eta bertan emango dizkiete jakin beharreko datu guztiak.

Osorik irakurri

☉ Arrigorriaga

Arrigorriaga / Korrika 23 / 2024

|

23. Korrikak Hego Uribetik egin duen lehen eguna Arrigorriagan bukatu da eta Bilborantz egin du lekukoak. Aurretik Arrigorriaga herrigunean izan gara, eta hauek dira furgonetatik egin dituzten argazkiak:

Osorik irakurri

☉ Arrigorriaga

Argazkiak / Txikienek hartu dute protagonismoa 23. Korrikaren ongi etorrian Arrigorriagan

|

Usansolotik sartu da 23. Korrika Hego Uribera eta Arrigorriagatik irten da eskualdeko lehen egunean. Txikienek hartu dute protagonismoa lekuari ongi etorria emateko.

Osorik irakurri

☉ Arrigorriaga

Foru Aldundiak Arrigorriagako adinekoen egoitzako gorabeherak aztertu ditu

Amaia Antxustegi Gizarte Ekintzako foru diputatuaren arabera, “hainbat ikuskapen” egin dituzte Domus VI.a Arandia egoitzako araudia betetzen dela bermatzeko

|

Arrigorriagako egoitzako erabiltzaileak // Geuria

Foru Aldundiko Gizarte Ekintza Batzordeak Arrigorriagako Domus VI.a Arandia egoitzan antzemandako gabeziak aztertu ditu, joan den urtarrilean adinekoen zentroko erabiltzaileen senideek atzemandako gorabehera batzuk salatu ostean.

Hilabete hartan bertan, Foru Sailak expedientea zabaldu zion egoitzari eta hainbat “akats” ikertu zituzten: langile falta, otordu eskasak eta gabezia teknikoak, besteak beste. Espedientearen haritik hainbat “gabezia” ikertu ziren zentroan, erabiltzaileen senideek beraiek ipinitako salaketetatik abiatuta.

Amaia Antxustegi Gizarte Ekintzako foru diputatuak azaldu bezala, bere sailak “hainbat ikuskapen” egin ditu Domus VI.a Arandia egoitzako araudia betetzen dela bermatzeko eta egoiliarren familiek azken hilabeteetan zerbitzuak okerrera egin duela salatzeko egindako protesten aurrean gaur egungo egoera ezagutzeko.

Adinekoak, eskutik // Unsplash

Udala, erabiltzaileekin bat

Gaur egun 122 adineko daude Arrigorriagako adinekoen egoitzan eta egoeraren berri izan zuenetik, Arrigorriagako gobernu taldearen arduretako bat beren ongizatea ziurtatzea da.

Maite Ibarra: “Herriko adinekoak dira, zaintza duina eta kalitatezkoa behar dutenak. Familiei laguntzen jarraituko dugu berme guztiak lortu arte”

Joan den otsailean GEURIAn azaldu lez, Egoitza kudeatzeko ardura berez Bizkaiko Foru Aldundiari dagokio, baina Arrigorriagako gobernu taldeak adinekoen zentroko erabiltzaileen senideekin konpromisoa hartu zuen beren kezkak Foru Aldundira helarazteko, egoerari irtenbidea emateko.

“Herriko adinekoak dira, zaintza duina eta kalitatezkoa behar dutenak. Familiei laguntzen jarraituko dugu berme guztiak lortu arte”, izan ziren Maite Ibarra Arrigorriagako alkatearen berbak egoeraren berri izan zuen lehen momentutik.

Izan ere, espedientea zabaltzearen jatorria erabiltzaileen senideen kexak, horiek azaleratzeko sinadura bilketa eta ondorioz gobernu taldeak Bizkaiko Foru Aldundiko ordezkariekin otsailean zehar izandako hainbat bileren ondorio zuzena da.

Osorik irakurri

☉ Arrigorriaga

Neftali Marin, Unai Saiz eta Iñigo Rikik kontzertuak emango dituzte Arrigorriagako zaharren egoitzan

Apirilaren 4an The Cowboy Angelseko Neftali Marinen txanda izango da, hilaren 26an Arrigorriagako Unai Saizena (Katilu) eta Maiatzaren 10ean Iñigo Riki Zaratamokoarena

|

Neftali, Riki eta Saiz // Geuria

Soinuarrik kontzertuak antolatu ditu apirila eta maiatzean eta eskualdeko hiru artisten kontzertu akustikoak iragarri dituzte Arrigorriagako zaharren egoitzan.

Apirilaren 4an The Cowboy Angelseko Neftali Marinen txanda izango da, hilaren 26an Arrigorriagako Unai Saizena (Katilu) eta Maiatzaren 10ean Iñigo Riki Zaratamokoarena.

Neftalik zortzi pistako Life & War izeneko albuma kaleratu zuen 2016an eta beste hiru single ditu gaur egun: The Soundtrack of my Life, Another Loveless Country Song eta Modertn Day Slave. Unai Saiz arrigorriagarrak baxua jotzen du Katilu taldean. Iñigo Riki zaratamarra azken diskoa aurkezten ari da eskualde osoko eta inguruetako tabernetan zehar: Esto entre tu y yo. Albuma osatzen dituzten abestiak Youtuben elkarbanatzen joan da Zaratamoko bakarlaria.

Kontzertu danak doakoak izango dira eta 17:00etan hasiko dira.

Osorik irakurri