Badira 21 urte Basauriko Finagako San Martin kofradiak azaroan bere santua omentzen duela. Aurten hilaren 15ean ospatuko dute tradizioz beteriko Finagara igoera. Egitaraua 11:30ean hasiko da eta “Finaga Menor” etxetik santuarekin prozesioa egingo dute bertaratutakoek. 12:00etan baseliza berrituak Meza Nagusia hartuko du eta 15:00etan anaikideek kofradia-bazkaria antolatu dute Ugaoko JUL-BEC Jatetxean.
