→Basauri

DBHko 3. eta. 4. mailako ikasleek 1era 2kain berdintasun programan hartuko dute parte

Egitasmoaren helburuak bilatzen du gazteei berdintasun-balioak hurbiltzea, matxismoari aurre egiteko. Urtarrilean hasiko dituzte saioak Uribarri eta San José ikastetxeetan.

Urtarrilean hasiko dituzte saioak Uribarri eta San José ikastetxeetan // argazkia: jolasetaekin

Basauriko ikastetxeek ‘1era 2kain’ programan parte hartuko dute beste urte batez. Zehazki, DBHko 3. eta 4. mailako ikasleentzako programa da eta egitasmoaren helburuak bilatzen du gazteei berdintasun-balioak hurbiltzea, horrela matxismoari aurre egiteko. Horretarako, tailerrak antolatuko dituzte ikastetxeetan.

Urtarrilean hasiko dituzte saioak Uribarri eta San José ikastetxeetan. Besteak beste, honako gai hauek izango dituzte hizpide: gazteek zer-nolako harremanak dituzten, sare sozialak, maitasun erromantikoa, sexu-harremanak zelan negoziatzen ditugun, genero-rolak, estereotipoak edota feminismoa. Ikastetxeetako saioez gain, Udalaren Berdintasun Atala harremanetan da gazteekin, sare sozialen eta blog baten bitartez. 

Gora

Geuria Laguntzaileak Geuria Laguntzaileak