→Basauri

Auto zinema irekiko dute udan Bilbondoko sarrerako aparkalekuan

Auto zinema irekiko dute udan Bilbondoko aparkaleku osagarrian. Uztailaren 16tik aurrera egongo da zabalik.

Bilbondoko sarrerako aparkalekuan zabalduko dute auto zinema, eta ez aparkaleku nagusian // Google

Auto zinema irekiko dute udan Bilbondoko aparkaleku osagarrian. Uztailaren 16an hasiko da zerbitzu ematen, eta hilean zehar, ostegunetan eta ostiraletan egongo da zabalik, eta bi saio programatuko dituzte: bata 19:00etan eta bestea 21:30ean. Hasteko, ‘Mascotas 2’ (uztailak 16, 19:00), ‘Men in black: International’ (uztailak 16, 21:30), ‘Asterix: El secreto de la poción mágica’ (uztailak 17, 19:00) eta ‘Spiderman: Lejos de casa’ (uztailak 17, 21:30) filmak proiektatuko dituzte.

Bilbondoko auto zinema erabiltzeko, merkatal zentroko bi dendatako bi erosketa-tiket trukatu beharko dira, 30 euroko edo gehiagoko zenbatekoa dutenak. Ondoren, webgune honen bitartez inprimaki bat bete behar da, eta filma aukeratu. Erabiltzaileek kode bat jasoko dute eta berau Merkataritza Zentroko gerentzian aurkeztu beharko dute, erosketa-tiketekin batera. Bertan, auto zinemarako sarrera jasoko dute.

Guztira 70 ibilgailurentzako lekua izango du Bilbondoko auto zinemak. “Modu eroso eta errazean, autoaren beraren erosotasunetik eta kotxeko irratia sintonizatuz, ibilgailuaren intimitatetik film arrakastatsuak ikusi ahal izango dira, bakarrik, lagunekin edo familian”, diote Bilbondoko arduradunek.

Bilbo Handian ezaugarri horiek dituen bakarra da. Izan ere, beste auto zinema Getxon dago. Ekimena uda garairako bestelako entretenimendu modu bat eskaintzeko jarri dute martxan. “Bilbondo merkataritza-guneak bezeroei aisialdirako formula erakargarri eta seguruagoak eskaintzearen alde egiten du, merkataritza-gunean duten esperientzia hobetzeko”, diote. Segurtasun-neurri guztiak bermatuta egongo dira.

Gora

Geuria Laguntzaileak Geuria Laguntzaileak