→Basauri

Herrian gertatutako eraso homofoboa gaitzetsi dute Basauriko Udaleko talde guztiek

Joan den larunbatean Bizkotxalde parkean jazotako eraso homofoboa gaitzetsi dute Basauriko Udaleko talde politiko guztiek, eta gertatutakoa “irmoki” arbuiatu dute.

Horrelako ekintza matxistak "onartezinak" direla diote udaltalde guztiek // Geuria

Joan den larunbatean Bizkotxalde parkean jazotako eraso homofoboa gaitzetsi dute Basauriko Udaleko talde politiko guztiek, eta gertatutakoa “irmoki” arbuiatu dute: “Horrelako ekintza matxistek helburu dute norbanakoen askatasuna hertsatzea, eta erabat onartezinak dira. Sexu-askatasuna funtsezkoa da giza eskubideen alorrean aurrera egiteko: gure gizarteak berezkoa duen aniztasunaren adierazle bat da, besterik gabe. Ildo horretan ari dira lanean, duela urteak, Sexu Informazio Bulegoa, 1era 2kain balioetan hezteko programa eta Udal Gizarte Zerbitzuak”, diote udal ordezkariek.

“Gure elkartasuna helarazten diogu erasotako gazteari eta bere ingurukoei, eta bere esku jartzen ditugu dauzkagun udal baliabideak”, diote.

🔴 Eraso homofoboa Basaurin: 13 gaztek beste bat jipoitu eta konorte barik utzi zuten asteburuan

Gora

Geuria Laguntzaileak Geuria Laguntzaileak