→Basauri

BIDEOAK | ‘Euskararen Ginkana’ lehiaketan parte hartu du Arizko Ikastolako ‘Ez gara makalak’ taldeak

Arizko Ikastolak 50. urteurrena bete zuen 2019an eta ospakizunak 2020. urtean zehar izango ziren. Hala ere, Covid-19 pandemiak aurreikuspen guztiak bertan behera uztea behartu zituen. “Hutsune” hori betetzeko asmoz, ikastolaren 50 urteko ibilbidearen inguruko bideo eta argazki materiala sortzen eta jasotzen ari dira.

“Arizko Ikastolaren historia jaso behar genuela otu zitzaigun gutako batzuei irailean eta antolatzeari ekin genion. Urtarrilean hasi gara elkarrizketak egiten. Hala nola, jubilatutako irakasleei, aspaldi-aspaldiko gurasoei edota adin desberdinetako ikasleei, eta bestelako materiala jasotzeko deia ere egin dugu sare sozialetan. Bideo eta argazki materiala sortzen eta jasotzen ari gara eta egiteko laguntza profesionala ondo etorriko litzaiguke, baina horrek gastua dakar eta Ikastolak ezin du bere gain hartu”, diote Arizko Ikastolatik.

Gauzak horrela, Euskararen Ginkana lehiaketan parte hartzea erabaki dute eta horretarako Ez gara makalak! talde “multidisziplinarra” eratu dute: “Ikasle ohiak, gurasoak, antzerki irakaslea eta psikomotrizitate irakasleak osatzen dugu taldea”, diote. Lehiaketako irabazleak 3.000 euro jasoko ditu. Bi fasetan burutzen da Euskararen Ginkana. Lehen fasean, internet bidezko lau proba erantzun dituzte taldeek martxoaren 3a baino lehen. Martxoaren 17an lehen faseko rankinga eta lau talde finalisten izenak emango dituzte jakitera, eta horiek bigarren fasea (finala) jokatu beharko dute martxoaren 20an. Finalean burututako probetan puntu gehien biltzen dituen taldea izango da zazpigarren edizio honen Euskararen Ginkanaren talde irabazlea.

Aurtengo lehiaketaren gaia “euskararen ekosistemak” izan da, eta lau proba egin behar izan dituzte partaideek. Guztira, Euskal Herriko 58 taldek eman du izena. Hizkuntzak eta tximeletak, Lurraren esnatzea, Arnasa har dezagun eta Baietz itzuli! Honako hauek dira Arizko Ikastolako ‘Ez gara makalak!’ taldeak egin dituen probak eta proba bakoitzaren bideoa:

Gora

Geuria Laguntzaileak Geuria Laguntzaileak