→Basauri

Hirigintza Planerako alegazioak aurkezteko epea urrira arte zabaldu du Basauriko Udalak

Basauriko Herrigintza Plan Orokorra 2016

Urrira bitartean herritarrek edota elkarteek proiektuaren kontrako alegazioak aurkez ditzakete Basauriko Udaleko Herritarrei Arreta emateko Zerbitzuan.

Basauriko Hirigintza Plan ezberdinen erakusketa 2016an // Argazkia: Geuria

Hiri-Antolamendurako Plan Orokorraren (HAPO) hasierako onespenaren aurkako alegazioak aurkezteko epea zabaldu du Basauriko Udalak. Urrira bitartean herritarren parte-hartzea sustatuko du Udalak: herritarrentzako kontsulta-telefonoa (944 666 323) eta informazio-bulegoa udaletxean.

Bulegoa udaletxeko lehen solairuko 3. aretoan dago eta hauxe izango da bertako ordutegia: uztailaren 24an eta 26an (09:00-14:00 eta 17:00-20:30), abuztuaren 2an, 7an, 9an, 28an eta 30ean (09:00-14:00), irailaren 4an, 6an, 11n, 13an, 18an, 20an, 25ean eta 27an (09:00-14:00 eta 17:00-20:30), eta urriaren 2an, 4an, 9an, 11n, 16an, 18an eta 23an (09:00-14:00 eta 17:00-20:30).

Udalbatzak ekainaren 28an egindako osoko bilkuran hasierako onespena eman zion Basauriko Hiri-antolamenduko Plan Orokorraren berrikusketari.

Gora

Geuria Laguntzaileak Geuria Laguntzaileak