‘Kutsidazu bidea Ixabel’ musikala Social Antzokian izango da urriaren 12an

2021/10/08

// DEMODE Produkzioak

‘Kutsidazu bidea Ixabel’ antzezlan ezaguna musikal eran taularatuko dute Social Antzokian urriaren 12an, asteartez. 2021eko MAX Sarien ikuskizun musikal onenaren sariaren finalista izan da eta Basauriko antzokian ikusgai egongo da.

Joxean Sagastizabalen eleberri dibertigarrian oinarritutako komedia musikal honetan ikusiko dugun bezala, Juan Martín donostiar gaztea mendi puntan galdutako baserri batera joango da uda igarotzera, bere euskara maila hobetzea helburu hartuta. Han dagoela, abesti eta abesti artean, egiaztatuko du baserrian bizi direnek darabilten euskarak ez duela zerikusirik gelan ikasi duenarekin. Baserriko familia aitak, alaba gazteak eta amonak osatzen dute.

Musikal honetan antzezle lanetan daude Xanti Korkostegi, María Redondo, Ainhoa Aierbe, Inazio Tolosa, Carlos Ngema, Iker Huitzi, Joli Pascualena eta Santi Romano. Dramaturgia: Aitziber Garmendia, Patxi Barco. Zuzendaritza: Patxi Barco. Zuzendaritza musikala: Joli Pascualena.