→Basauri

Basaurin haur baten ustezko bahiketa ikertzen jarraitzen du Segurtasun Sailak

Segurtasun Sailak GEURIAri adierazi dionez, oraindik ere kasua ikertzen ari dira // Geuria

Joan den asteburuan Basaurin hiru urteko haur bat bahitzen saiatu ziren ala ez ikertzen jarraitzen du Ertzaintzak. Gertaera azaroaren 13an, larunbatez, jazo zen Basozelaiko Zortziko plazan. Umearen amak Ertzaintzan salaketa jarri zuen egunean bertan, baita sare sozialetan horren berri eman ere.

Oihartzun handia izan du ustezko gertaerak. Segurtasun Sailak GEURIAri adierazi dionez, oraindik ere kasua ikertzen ari dira. Astelehenean “kasu isolatua” dela adierazi zioten GEURIAri.

Lapurreta saiaketa Kareagan

Bestetik, azaroaren 16ko arratsaldean lapurreta saiaketa egon zen Basaurin, Kareaga Goikoa kaleko bitxidenda batean. Ustezko lapurra dendara sartu zen pistola batekin, eta bitxidendako jabeak lapurreta egitea saihestea lortu zuen. Segurtasun Sailak GEURIAri adierazi dio “ikerketa irekita” dagoela, eta momentuz ez dutela inor atxilotu.

Gora

Geuria Laguntzaileak Geuria Laguntzaileak