Sareak

☉ Etxebarri

13,5 milioi euroko aurrekontua onartu dute Etxebarrin, iaz baino 1,7 milioi gehiago

Orain 2 urte

|

Besteak beste, igerileku berri bat eraikitzeko 695.000 euro bideratuko ditu Udalak // Geuria

Etxebarrik 13,5 milioi euroko aurrekontua du aurten, iaz baino 1,7 milioi gehiago (% 14,4 gehiago) eta 2020an baino milioi bat gehiago. Besteak beste, honako gastuak izango ditu aurten Udalak: Lehen mailako gizarte-ekintzara 1,6 milioi bideratuko dituzte; Segurasuna eta ordena publikorako 1,4 milioi; Etxebizitza eta hirigintzarako 352.000 euro; Bideak garbitzera 1,1 milioi; Parke eta berdeguneak zaintzera 429.000 euro; Behargintzara 168.000 euro; Haur eta lehen hezkuntzako ikastetxeetara 568.000 euro; Bigarren hezkuntzako ikastetxeetara 5.000 euro; Hezkuntzako zerbitzu osagarrietara 69.000 euro; Helduen hezkuntzara 12.000 euro: Cime berrikuntza zentrora 211.000 euro; Kultura arlora 299.000 euro; Liburutegi publikoetara 214.000 euro; Kulturaren sustapenera 79.000 euro; Euskarara 384.000 euro; Gazteria zerbitzura 663.000 euro; Jaietara 105.000 euro; Kirola sustatzera 351.000 euro; Kiroldegira 485.000 euro; Merkataritza sustatzera 169.000 euro; eta Etxebarribusera 427.000 euro.

“13,5 milioiko aurrekontua planteatzen da, zerbitzuen % 100ari eustea ahalbidetuko duena, hobekuntza eta Gizarte Zerbitzuen aldeko apustu garbia dakartenak; elkarteen, kluben, jai-elkarteen eta gainerako erakundeen diru-laguntzen igoera orokorra jasotzen dutena, beharrezko inbertsio batzuk egitea ahalbidetuko duena eta, batez ere, merkataritza-zerbitzu berriak abian jartzea ahalbidetuko duena”, dio Loren Oliva alkateak. Datuak datu, udal-langileen atalean honakoa jasotzen du 2022ko aurrekontuak: langile guztiei % 2ko soldata-igoera, 2022an Arkauten sei hilabeteko prestakuntza jasoko duten eta kontratatu diren lau polizia-agenteen soldatak eta dietak eta Herritarren Segurtasunean agente bat gehiago kontratatzea, besteak beste.

Bestetik, honako inbertsioak egingo ditu Udalak aurten: txakurrentzako bi gune berri egokitzea Kukullaga parkearen inguruan eta Zintururi inguruan (68.000 euro); Lezama Legizamon kaleko horma, Sabino Arana zubiaren aurreproiektua eta Kultur Etxeko fatxada berritzea (100.000 euro); Ganguren Mendi kaleko parterrean ureztatze automatikoa instalatzea (7.200 euro); hondakinak biltzeko kontratu berria (250.000 euro) eta udal eraikinak garbitzea (28.000 euro); edukiontzi marroiak txarte-kontrola duten edukiontzi eraginkorragoekin ordezkatzea (105.000 euro); Forua frontoia egokitzea (15.000 euro); kiroldegiko dutxa guztietako sakagailuak aldatzea eta puntu zehatzetan kamerak jartzea (25.000 euro); igerileku berri bat eraikitzea (695.000 euro); esku-hartze psikosozialeko zerbitzua (97.200 euro), eskola-laguntza (94.000 euro), esku-hartze komunitarioa (138.000 euro) eta etxeko laguntza zerbitzua (350.000 euro) lizitatzea; eguneko zentroetarako diru-laguntza (30.000 euro); merkataritza-bulego bat abian jartzea eta hura dinamizatzea (60.000 euro); eta merkataritza lokal hutsak identifikatzea eta martxan jartzea (40.000 euro).

“Partaidetza-prozesu bat egin dugu, bi fasetan: lehenik, herritarrek, erakundeek eta gainerako kolektiboek aurrekonturako proposamenak egin zitzaten epea zabaldu genuen azaroaren 8tik 22ra; eta, bigarren fasean, gobernu taldeak egindako aurrekontu proposamenari buruzko kontsulta egin zitzaien oposizioko gainerako alderdiei abenduaren 3tik 15era. Harribide Fundazioak adinekoei zuzendutako dinamizazio-programa bat abian jartzeko proposamena egin zuen. Aldez aurretik bilera bat egin da proiektu hori egiteko eta Gizarte Zerbitzuei helarazi zaie, martxan jarri ala ez erabakitzeko. Beraz, aurrekontuari begira, oraindik ez dira sartu”, dio Olivak. EAJk ere zenbait zenbait proposamen egin zizkion aurrekontu proposamenari, hala nola, espazio gehiago estaltzea edota nekazaritza merkatua berreskuratzea. Espazio gehiago estaltzearena, adibidez, egin eging du Udalak: “Legegintzaldi hau estalitako bi eremu berrirekin amaituko dugu: dagoeneko eraikita dago Barandiaran ikastetxeko jolastokia, eta Zintururiko jolasparkekoa lizitazio-fasean dago. Gainera, Zintururiko kirol anitzeko pista estaltzea ere aztertzen ari gara”, dio Olivak. 2022ko aurrekontua LVP, PSE eta EAJren aldeko botoekin eta EH Bilduren abstentzioarekin onartu zuten abenduaren 21eko ezohiko osoko bilkuran.

Zorra aurten kitatzea

Udalarentzat diru-sarrerarik garrantzitsuena Udalkutxako funtsetik dator. Aurten, 8,3 milioi euro jaso ditu Etxebarrik, eta horregatik handitu da aurrekontua. Gainera, 2021eko aurrelikidazio positiboko 583.000 euro gehiago ere jasoko ditu Udalak, “baina otsailera arte ez da behin betikoa izango”, alkateak abenduko osoko bilkuran zehaztu zuenez. “2021eko ekitaldia positiboan itxi zenez, lehenik eta behin Udalkutxaren itzulketa konpentsatu behar dugu. Etxebarriren kasuan 412.000 euro geratzen zaizkigu ordaintzeke. Horren arabera, Udalkutxaren diru-sarreren 8,8 milioi euro zenbatzen dira guztira, eta era berean, gastuen atalean 412.000 euro jasotzen dira. Beraz, Udalak Aldundiarekin duen zorra kitatuta geratuko litzateke 2022ko ekitaldian zehar”, dio Olivak.

Sailkatuta:

☉ Etxebarri

Euskarazko Liburu eta Disko Azoka, Alex Txikon eta kale antzerkia, Etxebarriko Udaberri Kulturalean

Orain 2 egun

|

2024/05/02

Maiatzaren 2tik 12ra bitartean hamaika jarduera antolatu dituzte Etxebarrin Udaberri Kulturalaren barruan // Geuria

Maiatzaren 2tik 12ra bitartean hamaika jarduera antolatu dituzte Etxebarrin Udaberri Kulturalaren barruan. Besteak beste, Laburbira zirkuitua, Euskarazko Liburu eta Disko Azoka, Alex Txikonen aurkezpena eta kale ikuskizunak.

“Bereziki azpimarratzekoa da aurten Euskarazko Liburu eta Azokaren XX. edizioa ospatuko dela. Horretarako Azokaren irekiera ekitaldi berezia izango da maiatzaren 9an”, diote udal ordezkariek. Hain zuzen ere, Alex Txikon mendizale lemoaztarrak ‘Mundu bat motxilan’ liburua aurkeztuko du eta proiekzioa ere izango da.

Eta maiatzaren 2an Laburbira zirkuituko euskarazko film laburrak proiektatuko dituzte Kultur Etxean. Gonbidatu izango da Ane Cuesta, ‘Zirrara’ film laburraren zuzendaria.

Horretaz gain, maiatzaren 12an beste bi jarduera antolatu dituzte: Herri Urratsera joateko autobusa eta ‘Hirira’ ABAO txikiren umeentzako opera. Batean zein bestean tiketak salgai jarri ditu Udalak.

Egitaraua / Udaberri Kulturala 2024

Maiatzak 2, osteguna
Laburbira, euskarazko film laburren XXI. Zirkuitua
19:00 Kultur Etxea

Maiatzak 9-11
Euskarazko Liburu eta Disko Azoka
17:00-20:00 Udaletxeko plaza
*Aurkezpena eta irekiera-ekitaldia: 18:00

Maiatzak 9, osteguna
Alex Txikon: ‘Mundu bat motxilan’ liburuaren aurkezpena eta ondorengo proiekzioa
19:00 Cime, bigarren solairua

Maiatzak 1o, ostirala
Kale antzerkia: ‘Marraka’
18:00 Udaletxeko plaza

Maiatzak 11, larunbata
Kale antzerkia: ‘Danzjolas’
13:00 Udaletxeko plaza

Kale antzerkia: ‘Egun on Sikiera’
19:00 Udaletxeko plaza

Maiatzak 12, igandea
Herri Urrats jaia Senperen
08:30 Autobusa Etxebarritik

Haurrentzako opera: ‘Hirira’, ABAO txiki
12:00 Arriaga Antzokia

Osorik irakurri

☉ Etxebarri

Koadrila Eguna maiatzaren 4an izango da Zintururi plazan

Sukalki eta Pintxo txapelketak, puzgarriak, kuadrillen bazkaria, jolasak eta kontzertuak antolatu dituzte 2024ko Koadrila Egunean

Orain 5 egun

|

2024/04/29

Aurtengoa VIII. Koadrila Eguna da // Geuria

Koadrila Eguna antolatuko dute maiatzaren 4an Zintururi plazan. Aurtengoa zortzigarren edizioa da eta hamaika jarduera antolatu dituzte.

“Janari asko eta edari pixka bat egongo da. Jakina, musika asko eta dantzaldiak ere izango ditugu”, adierazi dute Koadrila Eguneko arduradunek.

Aurten, nobedade bezala, Koadrila Eguna antolatzen bultzatzen dituzten balioak lantzeko txokoak izango dituztela adierazi dute: “Txoko horiek herria eraikitzeko gure modua irudikatuko dute”, diote.

Maiatzaren 4an antolatu dituzten jardueren artean daude: sukalki eta pintxo txapelketak, haurrentzako puzgarriak eta tailerrak, kuadrillen arteko jolasak, pregoia, kuadrillen bazkaria eta kontzertuak.

Egitaraua / VIII. Koadrila Eguna 2024

Maiatzak 4, larunbata · Zintururi plaza
09:00 Sukalki eta Pintxo txapelketarako izena ematea
10:30 Tailerrak eta puzgarriak
10:30 Herriko Txokoak
12:30 Pintxoen aurkezpena
13:00 Bermut saioa + DJ Mister
13:30 Sukalkien aurkezpena
15:00 Kuadrillen bazkaria
16:30 Kuadrillen arteko jolasak
18:00 Pregoia
18:30 Arratsaldeko jarduerak:
18:30 Euskal musika
19:30 Musika karibetarra
20:30 Flamenkoa
23:00 Kontzertuak
00:30 Loteria zozketa

Osorik irakurri

☉ Etxebarri

Etxebarriko Udalekuetan izena emateko epea zabaldu dute

Orain aste 1

|

2024/04/24

Ekainean eta uztailean dira Etxebarriko Udalekuak // Etxebarriko Udala

Udalekuak antolatuko dituzte Etxebarrin ekainean eta uztailean. Besteak beste, jolasak, eskulanak, irteerak, kirolak, igerilekurako txangoak eta gaikako jaiak antolatuko dituzte ume zein gazteentzat uda hasieran. Jantoki zerbitzua eta harrera-zerbitzua ere eskainiko ditu Udalak.

Udalerrian erroldatuta dauden umeentzat eta gazteentzat dago zuzenduta programa, eta bertan erroldatuta ez daudenek ere aukera dute Etxebarrin izena emateko, “baldin eta plaza libreak geratzen badira”, diote udal ordezkariek.

Etxebarriko Udalekuetan izena emateko epea zabaldu du Udalak apirilaren 28ra arte. Udal webgunearen bitartez eman daieteke izena edo 944 267 005 telefono zenbakira deituz.

Tarrastak eta Talkak tarrasta@tarrasta.net eta info@mugarritalka.org helbide elektronikoen bidez edo 688 881 338 telefonoaren bidez ere jasoko dituzte izen-emateak.

Udal udalekuez gain, Etxebarrik ekimen sozial eta pribatuko udalekuak ere eskainiko ditu ekainean eta uztailean. Programazio hori Etxebarriko hainbat erakundek jartzen dute martxan, hala nola kirol klubek.

Osorik irakurri

☉ Etxebarri

#A21 / Emaitzak / Etxebarri / EAJren igoera eta garaipen nabarmena, EH Bildu bigarren aurrenekoz

#A21 / Etxebarri / Eusko Legebiltzarrerako hauteskundeak 2024 / Emaitzak

Orain 2 aste

|

2024/04/21

Osorik irakurri

☉ Etxebarri

Etxebarriko Udalak 6,3 milioi euroko gerakina pilatu du azken urteetan

Orain 2 aste

|

2024/04/20

Soberakin horren zati bat dagoeneko konprometituta dago hainbat proiektu egiteko: zehazki, 2,3 milioi euro // Geuria

Etxebarriko Udalak 2023ko kontabilitate ekitaldia itxi du. Datuak datu, 455.000 euroko aurrekontu-emaitza positiboarekin (superabita) itxi du iazko ekitaldia Udalak.

“Kopuru hori aurreko 2022ko ekitaldikoen oso antzekoa da, eta horrek aukera ematen du Etxebarriko aurrekontu-maila finkatzeko, eta jauzi kuantitatiboa da aurreko ekitaldietako aurrekontuen aldean”, diote udal ordezkariek.

Iazko aurrekontu-emaitza positiboa gehituta, Etxebarrik 6,3 milioi euroko gerakina pilatu du azken urteetan.

“Hala ere, garrantzitsua da ohartaraztea soberakin horren zati bat konprometituta dagoela dagoeneko hainbat proiektu gauzatzeko”, diote udal arduradunek. Zehazki, 2,3 milioi euro kenduko dituzte diruzaintzako gerakinetik hainbat proiektu egiteko.

Martxan dauden edo administrazio-izapideak hasi dituzten obrak eta proiektu horiek dira:

  • Plan Ziklagarriaren lehenengo fasea
  • San Esteban eta Barrondo kaleen ingurua berrurbanizatzea
  • Futbol zelaiko sarbideak eraberritzea
  • Europako Go! Etxemarket diru-laguntzatik eratorritako merkataritzari lotutako proiektuak
  • Polizia-etxe berriaren proiektua
  • Oinezkoentzako pasabideak argiztatzea
  • Udalerriko hainbat puntutan Mupi berriak jartzea (publizitaterako oinarriak)
  • Kiroldegirako karpa berria
  • Kiroldegiko kanpoko pistako zorua egokitzea
  • Enplegu Planak

Gauzak horrela, gastu orokorretarako Etxebarriko Udalak erabilgarri izango duen gerakina 4 milioi eurokoa izango da.

“Udalerriaren beharren epe ertain eta luzeko plangintzan oinarritutako kudeaketa arduratsua da, etorkizuneko proiektu estrategikoak arriskuan jarri gabe beharrezkoak diren hobekuntza-ekintzei ekiteko aukera ematen duena”, dio Iker Lopez alkateak.

“Sortutako aurrezkiei eta zorrik ezari esker, Udalak kontu onbideratuak ditu eta etorkizunari baikortasunez begiratzen dio, etorkizun hurbilean asmo handieneko ekintzetako batzuk garatu ahal izateko”, azaldu du Lopezek.

Osorik irakurri