→Etxebarri

Etxebarriko kanpoko igerilekua irekiko dute ekainaren 18an

Aldez aurretik erreserba egin behar dute erabiltzaileek // Argazkia: Etxebarriko Udala

Udako denboraldiari hasiera emango diote Etxebarriko kiroldegian. Hain zuzen ere, gaur bertan irekiko dute kiroldegiko zelaia, eta ostiralean, hilak 18, haurrentzako kanpoko igerilekua zabalduko dute. Kanpoko igerilekuaren ordutegia 11:30etik 20:00etara izango da.

Edukiera % 50ekoa denez, sarrera aldez aurretik erreserbatu behar da kiroldegiaren webgunearen bitartez. “Sarrerak eta erreserbak bi txandatan antolatuko dira: goizez 10:15etik 15:00etara eta arratsaldez 15:15etik 20:00etara. Egun bakoitzean bi ordutegietako bat bakarrik erreserbatu ahal izango da”, diote udal ordezkariek.

Ezingo da aldagelarik edo dutxarik erabili, eta maskara nahitaezkoa izango da, toallan edo uretan izan ezik.

Gora

Geuria Laguntzaileak Geuria Laguntzaileak