→Etxebarri

Munduaz Blai Elkarteak 10. urteurrena ospatzeko egitaraua antolatu du ekainaren 22an

etxebarri munduaz blai 2018 sahara aste santua

Etxebarriko Munduaz Blai Elkarteak 10 urte beteko ditu aurten. Ekainaren 22an 10 urteko ibilbidea ospatzeko egun osoko egitaraua antolatu dute.

Argazkia: Munduaz Blai Elkartea

Etxebarriko Munduaz Blai Elkarteak 10 urte beteko ditu aurten. Sahararen eta bertakoen alde lanean dihardu elkarteak 2009tik: “Hamar elkartasun urte beteko ditugu: errefuxiatu kanpamentuetara bidaiak, elikagai eta arropa bilketak edota sentsibilizazio kanpainak burutu ditugu”, diote Munduaz Blai Elkartetik: “Eta hamar urte igaro arren, aurrera egiteko gogotsu eta indartsu gaude. Gure neba-arreba sahararren ametsa herri libre batean bizitzea da eta guk bide horretan beraiekin bat egiten jarraituko dugu”.

Bide horri jarraiki, ekainaren 22an 10 urteko ibilbidea ospatzeko egun osoko egitaraua antolatu dute Etxebarrin Munduaz Blai Elkartetik. Besteak beste, tailerrak, erakusketa, azoka, musika eta herri bazkaria izango dira.

Munduaz Blai Elkarteak 10 urte

Ekainak 22, larunbata

11:30 Pregoia
12:00-13:30 Haurrentzako tailerrak
13:00-15:00 Poteo musikatua Kittu taldearekin
15:00 Herri bazkaria. Ondoren, Bingoa eta jolasak
18:30 Kolpez Blai perkusio ikuskizuna
+ Egun osoan zehar: Salek Brahim margolariaren erakusketa eta produktu saharraren azoka/salmenta

Gora

Geuria Laguntzaileak Geuria Laguntzaileak

🟣 Martxoak 8 Basaurin! 💪 #Zuzenean
|