Sareak

☉ Galdakao

1.000 euro Galdakaoko santakurtzak iragarriko duen kartel irabazlearentzako

|

galdakao santakrutzak kartela 2014

Bigarren kartel onenaren egileak 400 euro jasoko ditu eta beste hainbeste euro udalerriko lehenengo personak. Lanak bidaltzeko epea maiatzaren 29an bukatuko da.

Galdakaoko Udalak 2015eko santakurtzak iragartzeko kartelaren lehiaketa deitu du. Epea maiatzaren 29an amaituko da eta egun horretatik hasita epaimahaiak irailaren 11tik 20ra bitartean ospatuko diren Galdakaoko santakurtzen irudia aukeratuko du. Obrak Kultura, Gazteria eta Kirol Sailean aurkeztu behar dira, Torrezabal Kultur Etxean.

Epaimahaiak erabakia hartuko du ekainaren 12a baino lehen, eta aldaezina izango da. Gainera, kartelaren exekuzio teknikoak aldaketarik behar izanez gero, epaimahaiak aldaketa hori egitea inposatu dezakea, aurretik egileari kontsultatuta eta berarekin lankidetzan jardunez. Saritutako lanak Udalaren esku geratuko dira, kartel horren gainean ustiapen eskubideak udalaren alde utzi direla kontsideratuz.

SANTAKURTZAK 2015 KARTEL LEHIAKETA – OINARRIAK

Lehiaketa honetarako onartu diren oinarrien arabera, egile bakoitzak bi obra aurkezteko aukera izango du gehienez. Kolorea eta teknika aldetik, “askatasun osoa dago“, baina kartelaren tamaina mugatuta dago: 50×70 zentimetrokoa izan beharko du eta euskarri zurrunaren gainean aurkeztu beharko da.

Era berean, kartelek nahitaez ondorengo testua izan behar dute: “GALDAKAOKO SANTAKURTZAK 2015. Irailak 11-20”. Lanak izenburupean eta sinadura barik aurkeztu behar dira. Egilearen datu personalak gutun-azal itxi batean sartu behar dira.

SANTAKURTZAK 2015 KARTEL LEHIAKETA – SARIAK

Nagusien kategoria:
– Lehenengo saria: 1.000 euro.
– Bigarren saria: 400 euro.
– Sailkatu den udalerriko lehenengo persona: 400 euro.

Haur-gazteen kategoria:
100 euroko balioa daukan bonoa udalerriko dendaren batean gastatzeko. Kategoria honetan hiru maila bereiziko dira: 15-17 urteko gazteak, 11-14 urteko gazteak eta 8-10 urteko gazteak.

☉ Galdakao

Metroko tunelak egiteko zulatze-lanak Aste Santua ostean hasiko dituzte Galdakaon

|

Suhiltzaileen eraikina zena eraitsiko dute eta tunelak egiteko makina bat bertan hasiko da lanean // Geuria

Metroaren 5. Linea eraikitzeko lanak hasi dituzte Basaurin, Galdakaon eta Usansolon. Momentuz langileak lurra aztertzen eta prestaketa lanak egiten ari dira. Usansoloren kasuan, Puentelatorre Bidea erabat itxita egongo da lau urtez ibilgailuentzat eta oinezkoentzat, “Puentelatorre zubitik Unkinara arteko tartean”.

Galdakaon, tunelak egiteko lanak Aste Santuan hasiko dituztela adierazi du Udalak: “Orduan hasiko dira lurra zulatzen, bideak ixten eta kamioien joan-etorria handitzen”.

Hain zuzen ere, suhiltzaileen eraikina zenaren ondoan, Lapurdiko aparkalekuan eta Agirre Lehendakaria plazaren inguruan, Bengoetxeko Ostalaritza Eskolaren atzealdean, eta Olabarrietan izango du eragina obrak.

Suhiltzaileen eraikina zegoen gunea izango da lanerako eremu handietako bat, “baina, kasu honetan, ez du eragin handirik izango herritarrengan”, diote udal ordezkariek. Hasteko suhiltzaileen eraikina zena eraitsiko dute, eta tunelak egiteko makina bat bertan hasiko da lanean, “Usansoloko makinak egindako zuloarekin bat egin arte”.

Galdakao erdigunean, Lapurdiko aparkalekuan eragina izango dute lanek, eta baita Agirre Lehendakaria plazaren inguruan Metroak izango dituen bi sarreren guneetan ere: plazan bertan haurreskola ondoan, eta Euskadi kaleko etxe berrien ondoan.

“Eragin handiena, halere, Bengoetxen izango da. Metroak Ostalaritza Eskolaren atzealdean geltokia izango du eta beraz, eraikitze lanak nabarituko dira. Baita hortik gertu, Sixta Barrenetxea ondoko aparkalekuan ere, lanek irauten duten artean bertan egongo baitira obren beharretarako kasetak. Lurra ateratzea eta kamioien joan-etorria etengabea izango da inguru horretan zulatze lanak hasten direnean. Errail bat moztu egingo da kamioiak N-634tik sartu eta irten daitezen, herrira sartu barik, eta horrek asko txikituko ditu kalteak”, diote udal ordezkariek.

Aperribaiko geltokia Olabarrietan egongo da. Lanak egiten diren bitartean N-634 errepidera zuzenean joateko bidea moztuta egongo da eta oinezkoek altueran jarritako pasabide bat izango dute autobus geltokira joateko.

Osorik irakurri

☉ Galdakao

Aperribai / Korrika 23 / 2024

|

Aperribaitik agurtu dute 23. Korrika Galdakaon. Hauek furgonetatik atera dituzten argazkiak:

Osorik irakurri

☉ Galdakao

Galdakao / Korrika 23 / 2024

|

Usansolotik galdakaora iritsi da 23. Korrika. Jendetza batu da lekukoari ongi etorria emateko eta hainbat argazki publikatu ditugu GEURIAn. Eta hauek furgonetatik atera dituzten argazkiak:

Osorik irakurri

☉ Galdakao

Argazkiak / Galdakaon jendetza batu da 23. Korrikari ongi etorria emateko

|

Usansolok lekukoa eman dio Galdakaori 23. Korrika. Euskararen aldeko lasterketa iritsi artean bertan izan gara!

Osorik irakurri

☉ Galdakao

Argazkiak / Korrika Txikiak Galdakaoko kaleak hartu ditu zirrara betean

Korrika Txikia egin dute gaur goizean Galdakaon Urreta, Aperribai, Gandasegi eta Eguzkibegiko ikasleek

|

23. Korrikak hasi du bere bidea Euskal Herrian. Bigarren egun honetan Iparralden jarraitzen du lekukoak eta Nafarroara igaroko da arratsaldean. Bitartean, Hego Uribe eskualdean, euskararen aldeko lasterketa erraldoiarekin bat egiteko ekimenak antolatu dituzte. Gaur goizean Korrika Txikia egin dute Galdakaoko Urreta, Aperribai, Gandasegi eta Eguzkibegiko ikasleek, eta hauek GEURIAn jaso ditugun irudiak:

 

Ver esta publicación en Instagram

 

Una publicación compartida de Geuria (@geuria.eus)

Osorik irakurri