→Galdakao

Michelin Izarra 2021ean ere mantenduko du Galdakaoko Andra Mari jatetxeak

Espainiako eta Portugaleko jatetxerik onenen artean Galdakaoko Andra Mari jatetxea dago. 1983tik mantentzen du Michelin Izarra jatetxe galdakoztarrak.

1983tik mantentzen du Michelin Izarra Galdakaoko Andra Marik // Andra Mari Jatetxea + Michelin Gida

2021eko Michelin Izarrak banatu dituzte Madrilen. Espainiako eta Portugaleko jatetxerik onenak jasotzen ditu: guztira 252 jatetxe. Horien artean Hego Uribe eskualdeko jatetxe bat agertzen da: Galdakaoko Andra Mari, alegia. Michelin Izar bat du Galdakaoko jatetxeak, eta 1983tik mantentzen du.

Andra Mari jatetxea 1964an inauguratu zuten Asua neba-arrebek (Patxi, Dominga eta Juan Cruz). Gaur egun, Roberto Asua da -Patxiren semea- Andra Mari jatetxeko burua eta Zuriñe Garcia da bertako sukaldeburua. “Zuriñe Garcia sukaldariak bizkaitar sustrai sendoko sukaldaritza planteatzen du, euskal zaporeak gaurkotasunera ekartzen dakiena. Jakiek dohain bat dute: Euskal Herriko landa eta itsas sukaldaritza transmititzen dute, betiere koherentzia eta sentsibilitate handiz”, diote Michelin zerrendako arduradunek.

36 Michelin Izar Euskal Herrian

Euskal Herriko 26 jatetxek dute Michelin Izarren bat: Bizkaiko 11, Gipuzkoako 10, Nafarroako 4 eta Arabako 1. Hau da zerrenda:

3 Michelin Izar
– Akelarre (Donostia)
– Arzak (Donostia)
– Azurmendi (Larrabetzu)
– Martin Berasategi (Lasarte)

2 Michelin Izar
– Mugaritz (Errenteria)
– El Molino de Urdániz (Urdaitz)

1 Michelin Izar
– Etxebarri (Axpe)
– Etxanobe Atelier (Bilbo)
– Mina (Bilbo)
– Nerua Guggenheim Bilbao (Bilbo)
– Ola Martín Berasategui (Bilbo)
– Zarate (Bilbo)
– Zortziko (Bilbo)
– Boroa (Boroa)
– Amelia (Donostia) -Berria-
– eMe Be Garrote (Donostia)
– Kokotxa (Donostia)
– Mirador de Ulía (Donostia)
– Marqués de Riscal (Eltziego)
– Andra Mari (Galdakao)
– Alameda (Hondarribia)
– Europa (Iruña)
– La Biblioteca (Iruña)
– Rodero (izar 1. Iruña)
– Eneko (Larrabetzu)
– Zuberoa (Oiartzun)

Gora

Geuria Laguntzaileak Geuria Laguntzaileak