→Galdakao

Auzolanak, tailerrak eta bazkari komunalak izango dira Galdakaon, Elkarlaguntza Astearen barruan

Ekainaren 14an hasiera eman zioten Galdakaon Elkarlaguntza Asteari. Hilaren 20ra bitartean hamaika jarduera antolatu ditu Elkarlaguntza Sareak.

Etorkinen bizipenak eta errelatoak jaso zituzten astelehenean // Elkarlaguntza Sarea

Galdakaoko Elkarlaguntza Sareak hamaika ekimen antolatu ditu aste honetan. Elkarlaguntza Astea joan den astelehenan hasi zuten eta ekainaren 20ra bitartean izango da. Besteak beste, tailerrak, auzolanak, bazkari komunalak, mahai inguruak, musika eta umeentzako jolasak antolatu dituzte.

“Aste horren helburu nagusia komunitatearen eraikuntzan aurrerapausoak ematea da, elkarlaguntza eta zaintzaren bitartez sarea sendotzea eta gure proiektua herrian lau haizetara zabaltzea. Ekimen guzti horiek nahi duenarentzat irekiak dira, beraz herritar guztiak parte hartzera gonbidatzen ditugu”, diote Elkarlaguntza Saretik.

Elkarlaguntza Astea | Galdakao | 2021

Ekainaren 14tik 20ra

Ekainak 14, astelehena
18:00 Etorkinen bizipenak eta errelatoak. Kurtzeko plazan

Ekainak 15, asteartea
18:00 ‘Elkartasun altxorraren bila. Gurasotasuna eta militantzia. Gure auzoa ezagutuz’. Biltegiko plazan, Tximelarren
19:30 Xaboi eta makrame tailerra. Biltegiko plazan, Tximelarren

Ekainak 16, asteazkena
18:00 ‘Ekoizpen komunalen gaineko hausnarketa. Zaintza eta elkarlaguntza merkantzien logikaren aurrean’. Iturrondo plazan

Ekainak 17, osteguna
16:30 Auzolanak:
– Ortua. Urrena baserrian
– Konpresa ekologikoen jostun tailerra. Biltegiko plazan, Tximelarren
– Ondoren: parrillada

Ekainak 18, ostirala
18:00 Mahai ingurua: ‘Ekonomia feminista’. Iturrondo plazan
22:00 Bakarrizketa: Ane Lindane. Iturrondo plazan

Ekainak 19, larunbata
10:00 Orienting Urrenara Kurtzeko plazatik
15:00 Bazkari komunala Urrenan
17:00 Tailerrak: makinaria agrikola, elektrizitatea eta sexualitatea. Urrenan
Gauean Jam Session eta Karaokea

Ekainak 20, igandea
10:00 Sendabelar tailerra Urrenan
15:00 Bazkari komunala Urrenan
Iluntzean San Juan Gaua Urrenan

Gora

Geuria Laguntzaileak Geuria Laguntzaileak