→Galdakao

Pailazoak, bertso saioa, mendi ibilaldia eta kontzertuak antolatu dituzte Galdakaon Euskaraldiaren baitan

Azaroaren 20tik abenduaren 4ra bitartean hamaika ekintza antolatu dituzte Galdakaon. Era berean, abenduaren 3an, Euskararen Nazioarteko Egunean, Kontxi Belandiari omenaldia egingo diote. 

Ariguneen aurkezpen ekitaldia / Euskaraldia Galdakao

Azaroaren 20tik abenduaren 4ra bitartean Euskaraldia ariketa soziala izango da Euskal Herri osoan. Galdakaon hamaika ekitaldi antolatu dituzte. Hala nola, umeentzako jarduerak, bertso saioa, kontzertuak, mendi ibilbidea eta ipuin kontalaria. Era berean, abenduaren 3an, Euskararen Nazioarteko Egunean, Kontxi Belandiari omenaldia egingo diote.

Euskaraldia 2020 | Galdakao

Azaroak 20-Abenduak 4

Azaroak 20, ostirala
17:00 Fritanga Elektrotxaranga

Azaroak 21, larunbata
17:00 Pailazoak Torrezabalen: Antxo eta Pantxa: “Antzarrekin dantzan” (+3 urte)

Azaroak 27, ostirala
19:00 Galdakao Kantari eta Bertso saioa Gandasegiko arkupeetan: Fredi Paia eta Arkaitz Zipitria

Azaroak 28, larunbata
19:30 Kontzertua Torrezabalen: Dupla

Azaroak 29, igandea
09:00 Mendi ibilbidea: Lapurtoki, Txispamend, Arrizurigane, Farola tontorra (6,5 kilometro. 2 ordu). Udaletxetik ibilgailuetan Erletxeko industrialguneraino

Abenduak 1, asteartea
17:00 Ipuin kontalaria Aperribai ikastetxean: Maite Franko, “Zorte txarreko otsoak” (+4 urte)
19:00 Kontzertua Torrezabalen: MistahPongo eta Raperu

Abenduak 3, osteguna
19:00 Euskararen Nazioarte Eguna ekitaldia eta omenaldia Kontxi Belandiari Torrezabalen. Streaming bidez emitituko dute

Abenduak 4, ostirala
20:00 Agur Euskaraldia, Euskarak 365 egun. Euskararen koloreek zerua beteko dute

*Ekitaldietan ateak ordu erdi lehenago irekiko dituzte. Sarrera librea da, edukiera bete arte.

Gora

Geuria Laguntzaileak Geuria Laguntzaileak