→Galdakao

Ibon Garcia Galdakaoko zinegotziak dimisioa aurkeztu du, “neurri soziosanitarioak ez ditudalako bete”

Ibon Garcia, armarriaren azpian // Geuria

Ibon Garcia Galdakaoko EH Bilduko zinegotziak dimisioa aurkeztu du gaur, “neurri soziosanitarioak ez betetzeagatik”. Ohar bidez Garciak adierazi duenez, “aurreko asteburuan egun dauden neurri soziosanitarioak ez betetzeagatik” aurkeztu du dimisioa, eta Iñigo Hernando alkateak onartu du bere erabakia: “Egoerak erantzukizunez jokatzea eskatzen duen une honetan, kargu publikoetan gaudenok Galdakaorentzat eredu izan behar dugu. Horregatik dimisioa onartu eta neurriak betetzeko deia egiten dut”, dio Hernandok bere Twitter kontutik.

Aurreko asteburuan Athletic eta Bartzelonaren arteko kopako finala izan zen. “Barkamena eskatzen dut. Bizi dugun egoerak jarrera arduratsua eskatzen du denon aldetik, batez ere kargu publikoen aldetik”, dio Garciak.

Jaiak, Gazteria eta Kirol zinegotzia zen Garcia. “Eskerrak eman nahi dizkiet sei urteotan Galdakao hobetzeko proiektua nirekin partekatu duten guztiei. Milesker”, bukatu du oharra Garciak. Oraindik ez dute zehaztu nor izango den EH Bilduren zinegotzi berria.

Gora

Geuria Laguntzaileak Geuria Laguntzaileak