→Galdakao

Marta Perea galdakoztarrak ez du jarraituko Athleticen datorren denboraldian

Aurten bukatu du kontratua eta talde zuri-gorriak ez dio kontratua berritu. “Lesioekin ez du zorterik izan”, diote Athleticetik.

Hamar urte egin ditu Marta Perea galdakoztarrak talde zuri-gorrian // Athletic Club

Marta Perea galdazkotarrak (Galdakao, 1995) ez du Athletic Cluben jarraituko. Hala eman du jakitera klubak. Aurten bukatu du kontratua eta talde zuri-gorriak ez dio kontratua berritu. “Galdakaokoak beste urtebetez berritu zuen iaz, baina lesioekin ez du zorterik izan eta denboraldi honetan ia ez du minuturik jokatu (11 partidatan). 2019ko azaroan, Marta Pereak alde biko bihurritua izan zuen eskuineko orkatilan, eta hilabete batzuk eman zituen zelaietatik urrun”, diote klubetik.

Duela hamar urte, 2011n, iritsi zen Perea Lezamara. “15 urterekin heldu zen Athleticera CD Mungiatik, eta bost denboralditan paper garrantzitsua izan zuen emakumezkoen filialean”, diote Athleticetik. Lehenengo taldearekin debuta egin zuen 2015eko apirilaren 25ean Valentzia CF taldearen aurka, eta 2016-2017 denboraldira arte lehen taldean eta filialean jokatu zuen. Azken lau denboraldietan lehen taldean bakarrik jokatu du Pereak. 

“2018-2019 denboraldian izan zuen, zalantzarik gabe, protagonismorik handiena 23 partida jokatuz. Pasa den denboraldian golegile gisa estreinatzea lortu zuen, Madrid CFFren aurka Lezaman jokatutako ligako bigarren jardunaldian”, diote. Guztira, 71 partidu jokatu ditu Pereak Athleticen lehen taldearekin (Ligako 68 eta Kopako hiru). “Galdakaokoa jokalari trebea da eta hainbat posiziotan joka dezake zelaian”, diote Athleticeketik. “Eskerrak eman nahi dizkiogu bere konpromisoagatik eta jarrera eredugarriagatik, eta onena opa nahi diogu etorkizunean”, diote klubetik.

Gora

Geuria Laguntzaileak Geuria Laguntzaileak