☉ Galdakao
Hiru umerekin hasi du ikasturtea Olabarrietako Katamar Haurreskolak
Olabarrietako Katamar haurreskola martxan da uztailetik. Higiene eta prebentzio neurriak bertan aurrera eramatea “erraza” izan dela diote Eva Cortés, Aurkene Idirin eta Iraia Sagasti haurreskolako hezitzaileek.
Ikastetxeetan ikasturtea hasteaz gain, haurreskolak ere zerbitzu ematen hasi dira. Hego Uribe eskualdean hamaika haurreskola daude, tartean Galdakaoko Katamar haurreskola. Olabarrieta auzoan dago kokatuta. “Haurreskola txikia da eta orotara bi gela ditu. Lau hilabetetatik bi urtera bitarteko haurrak hartzen ditugu”, dio Eva Cortés Katamar haurreskolako hezitzaileak. “Oso haurreskola txikia denez, beharrizanen arabera sortzen ditugu taldeak”, dio Iraia Sagasti hezitzaileak.
Gaur egun hiru haur daude matrikulatuta Katamar haurreskolan, eta hori da haurreskola bat zabaltzeko Eusko Jaurlaritzak jartzen duen gutxieneko kopurua: “Momentu honetan hiru ume daude matrikulatuta. Ikasturtea beti hasten dugu ume gutxirekin, baina gero gehiago datoz”, dio Sagastik. Hain zuzen ere, haurreskolan matrikulatzeko epea urte osoan zehar dago zabalik. Txikitxuen gelan gehienez zortzi haur egon daitezke eta nagusitxuenean hamahiru.
Egoera berrira egokituta
Katamar haurreskola ez da salbuespen eta bertan ere neurriak hartu dituzte Covid-19a dela eta. “Partzuergotik bidali zuten kontzingentzia-plan bat, eta gero haurreskola bakoitzak bere errealitatera egokitzen du plan hori. Gure kasuan, erraza izan da higiene eta prebentzio gomendioak aurrera eramatea. Ume gutxi daudenez, gure antolakuntza ez da horrenbeste aldatu”, dio Cortesek. Hori bai, ohiko prebentzio neurriak ezarri eta jarraitu behar izan dituzte. Hala nola, hezitzaileek maskara jantzita eramatea, alfonbra desinfektatzailea eta tenperatura neurtzea.
“Bestetik, eguneko koaderno bat daukagu eta bertan jarri behar dugu, besteak beste, nork jaso duen umea, nork eman dion bazkaria edota zein guraso etorri den umea haurreskolara ekartzera edo bilatzera”, dio Aurkene Idirin hezitzaileak. Koaderno horri esker, Covid-19an positiborik ematen bada, jakin egiten dute momentu bakoitzean ume bakoitza norekin egon den zuzenean kontaktuan.
Katamar leku “oso segurua” dela diote hiru hezitzaileek: “Haurreskola oso txikia denez bai erabiltzaile zein hezitzaile aldetik, kutsatze-arriskua ere txikia da”, dio Idirinek. “Patioa askotan erabiltzen dugu. Ez bakarrik jolasteko. Oso ume gutxi daude eta saiatzen gara ahalik eta denbora gehien patioan egiten. Adibidez, patioa jateko edo lo egiteko ere erabiltzen dugu. Eguraldiak uzten digun bitartean saiatzen gara bizitza hori guztia patioan egiten, nahiz eta barruan ere lekua soberan eduki”, dio Sagastik.
Patioari dagokionez, hura estaltzeko eskaera egin zuten haurreskolako arduradunek: “Galdakaoko Udala ados agertu zen gure eskaerarekin, baina egungo egoerarekin ez dakigu noiz etorriko den. Asmoa da euria egiten duenean ere patioa erabiltzea”, dio Cortesek.
__
Katamar haurreskola
Olabarrieta, 21A
944 262 139
katamar.galdakao@haurreskolak.eus
Gaur moda desfilea egon da Galdakaoko jaietan. Fashion Day eguna antolatu du bigarren urtez Gazte Berpiztuk eta hainbat kuadrillak hartu dute parte. Jantzirik eta aurkezpenik onena Antzeko kuadrillak egin du, bigarren sailkatu da Dekantzekoz eta hirugarren Trikiriki. Laugarren Antropayak izan da eta bosgarren Piperrak. Hona hemen desfileko irudirik onenak!
☉ Galdakao
Bi gazte atxilotu dituzte Galdakaoko etxebizitza batean indarrez sartzeagatik
Olabarrieta auzoko etxebizitza batean indarra erabilita sartu ziren bart 19 eta 21 urteko bi gazte. Epailearen esku jarriko ditu Ertzaintzak
Ertzaintzak 19 eta 21 urteko bi gazte atxilotu ditu Galdakaoko Olabarrieta auzoko etxebizitza batean indarrez sartzeagatik.
Gertaerak bart gauerdian jazo dira: pertsona batek SOS Deiakera deitu du Olabarrietan dagoen eta une horretan hutsik zegoen aita-amaginarreben etxean indarrez sartu direla esanez, instalatuta zuten zaintza-kamera deskonektatu egin dutela konturatu baitira.
Orduan, patruila bat bertaratu eta argi bat piztuta ikusi zuten eta etxebizitzaren goiko aldean bi gazteak aurkitu dituzte.
Bi gazteak epailearen esku utziko dituzte dagozkion eginbideak amaitu ostean.
☉ Galdakao
Bideoa | Antzeko, Bertan Kaldo eta Dekantzekoz, Galdakaoko jaietako Playback lehiaketako onenak!
Playback lehiaketa mundiala da Galdakaoko jaietan eta atzo zuzenean bizi genuen! Txapeldun Antzeko izan zen: Mamma Miaren ‘Ai ama!’ bertsio euskalduna egin zuen kuadrillak. Euren amei omenaldi zoragarria egin zieten.
Bigarren Bertan Kaldo izan zen, hirugarren Dekantzekoz, laugarren Trikiriki eta bosgarren Erdu Mizketan.
GEURIAn lehenengo hiru postuetan sailkatutako ordezkariak elkarrizketatu zituen: Mirene eta Izaskun (Antzeko), June eta Ane (Bertan Kaldo), eta Ane eta Janire (Dekantzekoz). Aupa zuek!
Playback lehiaketa arrakastatsua da Galdakaoko jaietan. Eta aurten ere ez du hutsik egin, beste urte batez Zizpak antolatuta. Irabazle Antzeko izan da, euren Ai Ama! (Mamma Mia!) bertsioari esker, amei omenaldia eginez. Bigarren Bertan Kaldo izan da, hirugarren Dekantzekoz, laugarren Trikiriki eta bosgarren Erdu Mizketan.
☉ Galdakao
Galdakaoko GBGE elkartea Europako bi saritan finalista hautatu dute Valentziako uholdeetan egindako lanengatik
Gaur Vienako udaletxean, Austrian, Innovation in Politics Awards sarien irabazleak emango dituzte jakitera, eta otsailean Zero Project sariak banatuko dituzte Vienan ere
Galdakaoko GBGE elkartea Europako bi saritan finalista hautatu dute, iazko urritik Valentziako uholdeek kaltetutako eremuetan egindako lanengatik.
Alde batetik, Innovation in Politics Awards sarietan bi izendapen izan dituzte bi proiektu hauengatik: Nave 51 eta Garbitegi humanitarioa.
Nave 51 izeneko proiektuan, Paiportan 40.000 tona laguntza humanitario bideratzeko aukera eman zuen GBGEk, “xahuketa minimizatuz eta jasotako laguntza guztia ahalik eta gehien aprobetxatuz, milaka boluntario eta militarri esker”, dio Ainhoa Crespo GBGEko ordezkariak.
Eta Garbitegi humanitarioa delakoan uholdeek lokatzez hondatutako arropa berreskuratu zituzten, “balio praktiko eta emozional handiko doako zerbitzua eskainiz”, dio Crespok.
Innovation in Politics Awards sarien banaketa gaur, irailak 17, izango da Vienako udaletxean, Austrian.
Otsailean: Zero Project sariak
Beste alde batetik, GBGE finalista izendatu dute Zero Project sarietan, “Krisi-egoeretan desgaitasunaren aurrean inklusioa” kategorian.
GBGE elkarteko boluntarioak Valentziako hondamendian // GBGE
Ekintza humanitarioetan, larrialdietan eta hondamendietan inklusio-irtenbideak aitortzen ditu sariketa horrek, eta sari banaketa otsailean izango da Vienan ere; kasu horretan, Nazio Batuen egoitzan.
“Izendapen hauek nazioarteko aitorpena dira Valentziako Dana-ren ondoren izandako elkartasun uholdeari. Nabarmentzekoa da beste modu batean ere erantzun daitekeela hondamendiei: zirkularra, inklusiboa eta aliantzetan oinarritua. Umiltasunez jasotzen dugu, oraindik ere asko dagoelako berreskuratzera iristeko, baina pozik ere bai, pertsona askoren lan ikaragarriari egindako aitortza delako”, adierazi du Crespok.
Argazkiak | Moda pasarela bilakatu da gaur Galdakao, Santakurtze jaietan
‘Jone, batzuetan’ filma euskaraz proiektatuko dute Social Antzokian, Basaurin
Ahotsa “askatzeko” tailerra antolatu dute Arrigorriagan, euskara hutsean
Argazkiak | Moda pasarela bilakatu da gaur Galdakao, Santakurtze jaietan
Argazkiak | Galdakaoko jaietako Playback lehiaketa 140 argazkitan!
Argazkiak | Kuadrillak busti dira gaur Galdakaoko jaietan: batzuk euripean, beste batzuk Paddle Surfean
Bideoa | DJ Pipi Galtzaluze: «Musika ona, energia eta publikoarekin konektatzea da ondo pasatzeko gakoa»
Bideoa | Antzeko, Bertan Kaldo eta Dekantzekoz, Galdakaoko jaietako Playback lehiaketako onenak!
