→Galdakao

Polonia, Senegal, Irlanda, Peru eta Euskal Herria, Galdakaoko eta Usansoloko Folklore Bizian jaialdian

Senegalgo Ballet jammu irudian // Argazkia: Elai-Alai Kultur Elkartea (Portugalete)

Folklore Bizian jaialdia izango da aurten Galdakaon eta Usansolon. Iaz ezin izan zuen Andra Mari Dantza Taldeak jaialdia antolatu Covid-19a pandemia zela eta, baina aurten jaialdiari eutsiko diote. Uztailaren 20tik 22ra bitartean izango da jaialdiaren 34. edizioa, eta honako taldeek hartuko dute parte: Poloniako Jawor, Senegalgo Ballet Jammu, Irlandako Trim the velvet, Peruko Ritmos y costumbres eta bertoko Andra Mari eta Oinarin. Nazioartetik datozen taldeak ere Portugaleteko 46. Folklore Jaialdian izango dira, baita Getxon, Alonsotegin edota Sopelan ere.

Folklore Bizian | 2021

34. edizioa

Uztailak 20, asteartea
20:30 Jawor (Polonia), Ballet Jammu (Senegal) eta Andra Mari (Galdakao). Kurtzeko plaza. Euria bada, Kurtzeko frontoian

Uztailak 21, asteazkena
20:30 Trim the velvet (Irlanda) eta Ritmos y constumbres (Peru). Kurtzeko plaza. Euria bada, Kurtzeko frontoian

Uztailak 22, osteguna
20:30 Ritmos y costumbres (Peru) eta Oinarin (Usansolo). Unkina kiroldegia

Gora

Geuria Laguntzaileak Geuria Laguntzaileak