Sareak

☉ Galdakao

Usansolo inguruko hamar herritarretik zazpik erabaki du segregazio-prozesu barruan egon nahi duela

Labeaga, Uraska, Gorosibai, Ordaine, Arteta, Lekubaso eta Lekueko 927 herritarretik botoa eman dute 507k (% 55) eta 381k baiezkoa bozkatu du (% 75).

|

usansolo jaiak 2017 segregazioa manifestazioa
Segregazioaren aldeko manifestazioa 2017ko Usansoloko jaietan // Geuria

Usansoloko muga geografikoak zehazteko kontsulta egin dute apirilean Usansolo inguruko zazpi auzoetan. Iazko uztailean Espainiako Ministroen Kontseiluak 2018ko azaroaren 11n aurreikusita zegoen galdeketa ez zuen baimendu, baina Galdakaoko udal gobernu taldeak beste aukera bat bilatu, eta kontsulta egiteko urratsak eman zituen: kontsulta presentziala izan beharrean, posta ziurtatu bidezkoa izan da apirilaren 11ra arte egin dutena. Hau da, oraingoan ez da hautestontzirik egon eta gutun ziurtatu bidez egin da.

Kontsulta Usansolo inguruko zazpi auzoetako (Labeaga, Uraska, Gorosibai, Ordaine, Arteta, Lekubaso eta Lekue) 927 herritarrei egon da zuzenduta (18 urtetik gorakoak), eta horietatik bozka eman dute 507k (% 55eko parte-hartzea). ‘Zure auzoa, Usansoloko segregazio-prozesuaren testuinguruan, bereizi nahi den lurraldeko parte izan behar dela uste duzu?‘ galderari erantzun dioten 507 herritarretik baiezkoa eman dute 381k, hau da, % 75ak.

Datuei erreparatuta, Arteta multzoari dagokionez (Arteta, Ordañe, Lekue eta Lekubaso) 59 herritarrek bozkatu dute: 55 aldeko boto (% 93) eta kontrako 4 (% 7); Labea multzoan (Uraska eta Labeaga) 78k bozkatu dute: 44 herritarrek baiezkoa bozkatu dute (% 57) eta 34k ezezkoa (% 43); eta Gorosibain 355k hartu dute parte kontsultan: aldeko 282 boto (% 79) eta kontrako 73 (% 21).

Hauek izan dira zorrotza, gardena eta sinesgarria izan behar zen prozesuaren emaitzak. Parte-hartze handia izanik, emaitza hauek lagunduko digute aurrerantzean egin beharreko urratsak ematen, beti ere herritarren borondatea errespetatuz. Hauxe da gure konpromisoa prozesu honetan. Ondoren, Batzorde Mistoa, egiteke geratzen diren mugarriak, funtsezkoak direnak, jarriz joango da herritarrekegiazko datuen gainean iritzia, modu berean, adierazi ahal izan dezaten”, dio Ibon Uribe Galdakaoko alkateak.

☉ Galdakao

Metroko tunelak egiteko zulatze-lanak Aste Santua ostean hasiko dituzte Galdakaon

|

Suhiltzaileen eraikina zena eraitsiko dute eta tunelak egiteko makina bat bertan hasiko da lanean // Geuria

Metroaren 5. Linea eraikitzeko lanak hasi dituzte Basaurin, Galdakaon eta Usansolon. Momentuz langileak lurra aztertzen eta prestaketa lanak egiten ari dira. Usansoloren kasuan, Puentelatorre Bidea erabat itxita egongo da lau urtez ibilgailuentzat eta oinezkoentzat, “Puentelatorre zubitik Unkinara arteko tartean”.

Galdakaon, tunelak egiteko lanak Aste Santuan hasiko dituztela adierazi du Udalak: “Orduan hasiko dira lurra zulatzen, bideak ixten eta kamioien joan-etorria handitzen”.

Hain zuzen ere, suhiltzaileen eraikina zenaren ondoan, Lapurdiko aparkalekuan eta Agirre Lehendakaria plazaren inguruan, Bengoetxeko Ostalaritza Eskolaren atzealdean, eta Olabarrietan izango du eragina obrak.

Suhiltzaileen eraikina zegoen gunea izango da lanerako eremu handietako bat, “baina, kasu honetan, ez du eragin handirik izango herritarrengan”, diote udal ordezkariek. Hasteko suhiltzaileen eraikina zena eraitsiko dute, eta tunelak egiteko makina bat bertan hasiko da lanean, “Usansoloko makinak egindako zuloarekin bat egin arte”.

Galdakao erdigunean, Lapurdiko aparkalekuan eragina izango dute lanek, eta baita Agirre Lehendakaria plazaren inguruan Metroak izango dituen bi sarreren guneetan ere: plazan bertan haurreskola ondoan, eta Euskadi kaleko etxe berrien ondoan.

“Eragin handiena, halere, Bengoetxen izango da. Metroak Ostalaritza Eskolaren atzealdean geltokia izango du eta beraz, eraikitze lanak nabarituko dira. Baita hortik gertu, Sixta Barrenetxea ondoko aparkalekuan ere, lanek irauten duten artean bertan egongo baitira obren beharretarako kasetak. Lurra ateratzea eta kamioien joan-etorria etengabea izango da inguru horretan zulatze lanak hasten direnean. Errail bat moztu egingo da kamioiak N-634tik sartu eta irten daitezen, herrira sartu barik, eta horrek asko txikituko ditu kalteak”, diote udal ordezkariek.

Aperribaiko geltokia Olabarrietan egongo da. Lanak egiten diren bitartean N-634 errepidera zuzenean joateko bidea moztuta egongo da eta oinezkoek altueran jarritako pasabide bat izango dute autobus geltokira joateko.

Osorik irakurri

☉ Galdakao

Aperribai / Korrika 23 / 2024

|

Aperribaitik agurtu dute 23. Korrika Galdakaon. Hauek furgonetatik atera dituzten argazkiak:

Osorik irakurri

☉ Galdakao

Galdakao / Korrika 23 / 2024

|

Usansolotik galdakaora iritsi da 23. Korrika. Jendetza batu da lekukoari ongi etorria emateko eta hainbat argazki publikatu ditugu GEURIAn. Eta hauek furgonetatik atera dituzten argazkiak:

Osorik irakurri

☉ Galdakao

Argazkiak / Galdakaon jendetza batu da 23. Korrikari ongi etorria emateko

|

Usansolok lekukoa eman dio Galdakaori 23. Korrika. Euskararen aldeko lasterketa iritsi artean bertan izan gara!

Osorik irakurri

☉ Galdakao

Argazkiak / Korrika Txikiak Galdakaoko kaleak hartu ditu zirrara betean

Korrika Txikia egin dute gaur goizean Galdakaon Urreta, Aperribai, Gandasegi eta Eguzkibegiko ikasleek

|

23. Korrikak hasi du bere bidea Euskal Herrian. Bigarren egun honetan Iparralden jarraitzen du lekukoak eta Nafarroara igaroko da arratsaldean. Bitartean, Hego Uribe eskualdean, euskararen aldeko lasterketa erraldoiarekin bat egiteko ekimenak antolatu dituzte. Gaur goizean Korrika Txikia egin dute Galdakaoko Urreta, Aperribai, Gandasegi eta Eguzkibegiko ikasleek, eta hauek GEURIAn jaso ditugun irudiak:

 

Ver esta publicación en Instagram

 

Una publicación compartida de Geuria (@geuria.eus)

Osorik irakurri